बाँके जिल्लाब्यापी नकआउट फुटबल सुरु, नेपालगञ्ज-११ को विजयी सुरुवात

खेलकुद

गृहपृष्ठ
खेलकुद
बाँके जिल्लाब्यापी नकआउट फुटबल सुरु, नेपालगञ्ज-११ को विजयी सुरुवात

बाँके जिल्लाब्यापी नकआउट फुटबल सुरु, नेपालगञ्ज-११ को विजयी सुरुवात

शनिबार, जेठ १९, २०८१ बागेश्वरी पोस्ट

नेपालगञ्ज । बाँके जिल्लाव्यापी नकआउट फुटबल प्रतियोगिता आजदेखि सुरु भएको छ । प्रतियोगितामा नेपालगञ्ज–११ स्पोर्टिङ क्लबले विजयी सुरुवात गरेको छ । कोहलपुरस्थित १३ बिगाह फुटबल मैदानमा नेपालगञ्ज–११ ले इजोन स्पोर्ट्स क्लबलाई ३–० ले पराजित गरेको छ । नेपालगञ्ज–११ को लागि सुमित थापाले २ गोल र भरत बहादुर घर्ती मगरले १ गोल गरेका थिए ।

प्रतियोगिताको कोहलपुर नगरपालिकाका प्रमुख पुर्णप्रसाद आचार्यले उद्घाटन गरेका हुन् । नगर प्रमुख आचार्यले कोहलपुरले पछिल्लो समय खेलकुद क्षेत्रको पूर्वाधारसँगै स्तरीय प्रतियोगिता आयोजना गरेर खेलाडीहरुको मनोबल बढाउने काम गरेको बताए । आयोजक बाँके जिल्ला फुटबल संघका अध्यक्ष एवम् अखिल नेपाल फुटबल संघका केन्द्रीय सदस्य भोजराज शाहीको अध्यक्षतामा भएको उद्घाटन समारोहमा अखिल नेपाल फुटबल संघका पूर्व उपाध्यक्ष गोर्वधन सिंह सम्झना, पूर्व वडा सदस्य शंकर खड्का, नेपाल प्रेस युनियन बाँके अध्यक्ष प्रियास्मृति ढकाल, कोहलपुर नगरपालिका खेलकुद संयोजक बुद्धि थापा, सदस्य किरण विक, कोहलपुर इलाका प्रहरी कार्यालयका प्रहरी नायव निरीक्षक केशवराज रेग्मी लगायतको उपस्थिति रहेको थियो ।

जेठ २३ गतेसम्म चल्ने प्रतियोगितामा नेपालगञ्ज–११ स्पोर्टिङ क्लब, सिटी युथ क्लब, इ-जोन स्पोर्ट्स क्लब, न्यु दपर्ण युवा स्पोर्ट्स क्लब, न्यु नलेज स्पोर्ट्स क्लब, एफसी संघारी, कञ्चनजंघा भिजन स्पोर्ट्स क्लबको सहभागिता रहेको छ ।

May be an image of 9 people, people playing soccer, people playing football, people playing voleyball, grass and text May be an image of 4 people, people playing football, people playing soccer and text