नेपाल र नेदरल्याण्ड्स बीचको खेल कोहलपुरको खुल्ला मैदानबाट हेर्न सकिने

खेलकुद

गृहपृष्ठ
खेलकुद
नेपाल र नेदरल्याण्ड्स बीचको खेल कोहलपुरको खुल्ला मैदानबाट हेर्न सकिने

नेपाल र नेदरल्याण्ड्स बीचको खेल कोहलपुरको खुल्ला मैदानबाट हेर्न सकिने

मंगलबार, जेठ २२, २०८१ बागेश्वरी पोस्ट

नेपालगञ्ज । आइसिसी ट्वान्टी–२० विश्वकप अन्तर्गत नेपालले समूह ‘डी’ को पहिलो खेलमा आज नेदरल्याण्ड्ससंग खेल्दैछ । डलासको ग्रान्ड प्रायरी स्टेडियममा हुने यो खेल नेपाली समय अनुसार राति ९.१५ बजेबाट सुरु हुनेछ । उक्त खेल हेर्नका लागि सबै नेपाली व्यग्र प्रतीक्षामा छन् । यही कुरालाई दृष्टिगत गरी कोहलपुर नगरपालिकाको आयोजना र वर्ल्ड लिङ्क कम्युनिकेशन लिमिटेडको समन्वयमा कोहलपुर न्यूरोडस्थित खुलामञ्जमा ठूलो पर्दामा सबैले एकैपटक एकै साथ खेल हेर्न मिल्ने व्यवस्था मिलाइएको छ ।

नगर प्रमुख पूर्ण प्रसाद आचार्यले आज साँझ हुने नेपाल र नेदरल्याण्ड्स बीचको खेल ठूलो पर्दा अर्थात प्रोजेक्टरबाट प्रत्यक्ष प्रशारण गरिने भएकाले सम्पूर्ण खेलप्रेमी यूवाहरुलाई नेपाली खेलाडीको हौसलाको लागि उपस्थिति भएर खेल हेर्न अनुरोध गरेका छन् । नेपाली टोली एक दशकपछि ट्वान्टी–२० विश्वकप फर्किएको छ । दुवै टोली जीतसँगै यात्रा सुरु गर्न चाहन्छन् । यी दुई टोलीबीच हालसम्म १२ ट्वान्टी–२० अन्तर्राष्ट्रिय खेल भइसकेका छन् र स्थिति लगभग बराबरीमा छ । नेदरल्याण्ड्सले ६ खेल जितेको छ भने नेपालले पाँच खेल जितेको छ । एक खेलको नतिजा आएको छैन ।

प्रकाशित मिति: मंगलबार, जेठ २२, २०८१ १७:०८

प्रतिक्रिया दिनुहोस्