जानकीमा शिक्षकका लागि पाठ्यक्रम सम्वन्धि तीन दिने कष्टमाइज्ड तालिम शुरु

शिक्षा

गृहपृष्ठ
शिक्षा
जानकीमा शिक्षकका लागि पाठ्यक्रम सम्वन्धि तीन दिने कष्टमाइज्ड तालिम शुरु

जानकीमा शिक्षकका लागि पाठ्यक्रम सम्वन्धि तीन दिने कष्टमाइज्ड तालिम शुरु

बुधबार, जेठ २३, २०८१ बागेश्वरी पोस्ट

नेपालगञ्ज । बाँकेको जानकी गाउँपालिकाले आधारभूत तह कक्षा १ देखि ३ का शिक्षकहरुका लागि पाठ्यक्रम सम्वन्धि तीन दिने कष्टमाइज्ड तालिम आजदेखि शुरु गरेको छ । जानकी गाउँपालिका शिक्षा युवा तथा खेलकुद शाखाको आयोजनामा आधारभूत तह कक्षा १ देखि ३ का शिक्षकहरुका लागि पाठ्यक्रम सम्वन्धि तीन दिने कष्टमाइज्ड तालिम शुरु भएको हो ।

तालिम उद्घाटन कार्यक्रममा बोल्दै प्रमुख प्रशासकीय अधिकृत दिल बहादुर पौडेलले पाठ्यक्रममा आधारित तालिमपछि शिक्षकहरुको क्षमता विकास हुने विश्वास ब्यक्त गरे । उनले आगामी दिनमा शिक्षण सिकाई क्रियाकलाप अझ प्रभावकारी होस् भन्ने उद्देश्यले तालिम आयोजना गरिएको बताए । सामाजिक विकास समितिका संयोजक राम आचल धोवीले तालिममा सिकेका कुरा व्यवहारमा उतार्नुपर्नेमा जोड बताए । कार्यक्रममा जानकी गाउँपालिका शिक्षा युवा तथा खेलकुद शाखा प्रमुख कृष्णा कुमारी भण्डारीले पनि आफ्ना धारणा राखेकी थिइन् ।

सामाजिक विकास समितिका संयोजक धोवीको अध्यक्षता एवम् गाउँपालिका अध्यक्ष छब्बन खाँको प्रमुख आतिथ्यतामा भएको कार्यक्रमको सञ्चालन झुमी कुमारी वलीले गरेकी थिइन् । तालिममा गाउँपालिकाका ३९ वटा विद्यालयबाट शिक्षकहरु सहभागी भएका छन् ।

प्रकाशित मिति: बुधबार, जेठ २३, २०८१ १७:२०