जानकीमा एकीकृत शैक्षिक व्यवस्थापन सूचना प्रणाली सम्बन्धि क्षमता विकास तालिम

शिक्षा

गृहपृष्ठ
शिक्षा
जानकीमा एकीकृत शैक्षिक व्यवस्थापन सूचना प्रणाली सम्बन्धि क्षमता विकास तालिम

जानकीमा एकीकृत शैक्षिक व्यवस्थापन सूचना प्रणाली सम्बन्धि क्षमता विकास तालिम

आइतबार, जेठ २७, २०८१ बागेश्वरी पोस्ट

जानकी (बाँके) । एकीकृत शैक्षिक व्यवस्थापन सूचना प्रणाली (IEMIS) सम्बन्धि दुई दिने क्षमता विकास तालिम आजदेखि जानकी गाउँपालिकामा शुरु भएको छ । जानकी गाउँपालिका शिक्षा, युवा तथा खेलकुद शाखाको आयोजनामा एकीकृत शैक्षिक व्यवस्थापन सूचना प्रणाली सम्बन्धि दुई दिने क्षमता विकास तालिम जानकीमा शुरु भएको हो ।

क्षमता विकास तालिममा शिक्षा, युवा तथा खेलकुद शाखाकी प्रमुख कृष्णा कुमारी भण्डारीले विद्यालयको शैक्षिक, आर्थिक तथा भौतिक विवरण एकीकृत शैक्षिक व्यवस्थापन सूचना प्रणालीमा सहीरुपमा अद्याबधिक गर्नु नै तालिमको मुख्य उद्देश्य रहेको जानकारी दिइन् । जानकी गाउँपालिका सामाजिक विकास समितिका संयोजक राम आचल धोवीको अध्यक्षतामा भएको कार्यक्रम शिक्षा, युवा तथा खेलकुद शाखाकी प्राविधिक सहायक झुमी कुमारी वलीले सञ्चालन गरेकी थिइन् ।

तालिममा पहिलो दिन शिक्षा तथा मानव स्रोत विकास केन्द्र सानोठिमी भक्तपुरका सुशिल पौडेलले प्रस्तुतिकरण गरेका थिए । एकीकृत शैक्षिक व्यवस्थापन सूचना प्रणाली सम्बन्धि क्षमता विकास तालिममा सामुदायिक, धार्मिक र संस्थागत गरी जम्मा ४५ वटा विद्यालयका शिक्षकहरु सहभागी छन् ।

प्रकाशित मिति: आइतबार, जेठ २७, २०८१ २०:५४