नेपालगन्जबाट काठमाडौं जाँदै गरेको बस त्रिशुली किनारमा खस्दा पाँच जना गम्भीर

समाचार

गृहपृष्ठ
समाचार
नेपालगन्जबाट काठमाडौं जाँदै गरेको बस त्रिशुली किनारमा खस्दा पाँच जना गम्भीर

नेपालगन्जबाट काठमाडौं जाँदै गरेको बस त्रिशुली किनारमा खस्दा पाँच जना गम्भीर

शुक्रबार, जेठ ३२, २०८१ बागेश्वरी पोस्ट

नेपालगन्ज । नेपालगन्जबाट काठमाडौं जाँदै गरेको बस र कार ठोक्किँदा पृथ्वी राजमार्ग अन्तर्गत चितवनको फिस्लिङ बजार नजिक आज बिहान दुर्घटना भएर बस त्रिशुली नदी किनारमा खस्दा २० जना घाइते भएका छन् भने पाँच जनाको अवस्था गम्भीर छ ।

नेपालगन्जबाट काठमाडौँतर्फ गइरहेको भे१ख ४०६० नम्बरको यात्रीबस त्रिशूली नदी किनारमा खसेको छ । काठमाडौँबाट मुग्लिनतर्फ गइरहेको बागमती प्रदेश ०२–०३९च ३७२० नम्बरको कार एकापसमा ठोक्किँदा बस नदी किनारमा खसेको हो ।

कारलाई जोगाउन खोज्दा बस नदीमा किनारमा खसेको एकजना प्रत्यक्षदर्शीले बताए । जिल्ला ट्राफिक प्रहरी कार्यालय गजुरीका अनुसार कारमा सवार पाँच जना गम्भीर घाइते छन् । बसमा ४५ जना यात्री थिए । सबै यात्रीको अवस्था सामान्य छ ।

गम्भीर घाइते भएका कारमा सवार सबैलाई उपचारका लागि चितवन पठाइएको गजुरीस्थित जिल्ला ट्राफिक प्रहरी कार्यालय प्रहरी निरीक्षक रवीन्द्रकुमार श्रेष्ठले जानकारी दिए ।

प्रकाशित मिति: शुक्रबार, जेठ ३२, २०८१ १२:०५

प्रतिक्रिया दिनुहोस्