‘ए’ डिभिजन लिग फुटबलः धम्बोझी क्लबको सहज जित

खेलकुद

गृहपृष्ठ
खेलकुद
‘ए’ डिभिजन लिग फुटबलः धम्बोझी क्लबको सहज जित

‘ए’ डिभिजन लिग फुटबलः धम्बोझी क्लबको सहज जित

शनिबार, असार ८, २०८१ बागेश्वरी पोस्ट

नेपालगञ्ज । बाँके जिल्ला ‘ए’ डिभिजन लिग फुटबलमा धम्बोझी क्लबले जित हासिल गरेको छ । प्रतियोगिताको सेमिफाइनल पुगिसकेको धम्बोझी क्लबले नवदुर्गा युवा क्लबलाई ३–० ले पराजित गरेको छ । कोहलपुरस्थित तेह्र विगाहा फुटबल मैदानमा भएको खेलमा धम्बोझीका लागि प्रेम बहादुर सुनारले २ गोल र क्षितिज थापा मगरले १ गोल गरे । खेलमा प्लेयर अफ द म्याच घोषित भएका प्रेमले २४औं र ४१औं मिनेटमा गोल गरेका थिए । क्षितिजले २०औं मिनेटमा गोल गरेका थिए । प्लेयर अफ द म्याच प्रेमलाई जीवनज्योती स्कुलका प्रिन्सिपल फादर जोमन जेन्सले पुरस्कृत गरे ।

बाँके जिल्ला फुटबल संघको आयोजनामा भइरहेको प्रतियोगिता असारको १३ गतेसम्म चल्नेछ । लिगकम नकआउटको आधारमा भइरहेको प्रतियोगितामा सहभागी क्लबलाई दुई समुहमा विभाजन गरिएको छ । प्रतियोगिताको समूह ‘ए’ मा कोहलपुर रेसिङ सहारा क्लब, धम्बोझी क्लब, नवदुर्गा युवा क्लब, कारकाँदो युवा स्पोर्ट्स क्लब, मिलन युवा स्पोर्ट्स क्लब रहेका छन् । यसैगरी समूह ‘बी’मा न्यु डाँफे स्पोर्ट्स क्लब, जय किसान स्पोर्ट्स क्लब, रोयल नेपालगञ्ज एफसी र ओसोनिक क्लब रहेका छन् ।

समूह ‘ए’ र समूह ‘बी’ को विजेता र उप–विजेता टिमले सेमिफाइनलमा प्रतिष्पर्धा गर्नेछन् । प्रतियोगिताको विजेता टिमले बाँके जिल्लाको प्रतिनिधित्व गर्दै लुम्बिनी प्रदेश लिग फुटबलमा सहभागिता जनाउने अवसर पाउनेछ । बाँके जिल्ला ‘ए’ डिभिजन लिग फुटबल अन्तर्गत भोलिको पहिलो खेलमा मिलन युवा स्पोर्ट्स क्लब र कारकाँदो युवा स्पोर्ट्स क्लबबीच हुनेछ । अर्को खेलमा नवदुर्गा युवा क्लब र कोहलपुर रेसिङ सहारा क्लबबीच प्रतिष्पर्धा हुने आयोजकले बताएको छ ।

प्रकाशित मिति: शनिबार, असार ८, २०८१ २१:४१

प्रतिक्रिया दिनुहोस्