'ए’ डिभिजन लिग फुटबलः लिग चरण समीकरण पूरा

खेलकुद

गृहपृष्ठ
खेलकुद
'ए’ डिभिजन लिग फुटबलः लिग चरण समीकरण पूरा

'ए’ डिभिजन लिग फुटबलः लिग चरण समीकरण पूरा

आइतबार, असार ९, २०८१ बागेश्वरी पोस्ट

नेपालगञ्ज । मिलन युवा स्पोर्ट्स क्लब र कोहलपुर रेसिङ सहारा क्लबले बाँके जिल्ला ‘ए’ डिभिजन लिग फुटबलमा जित हासिल गरेका छन् ।

आज कोहलपुर स्थित तेह्र विगाहा फुटबल मैदानमा भएको खेलमा मिलन युवा स्पोर्ट्स क्लबले कारकाँदो युवा स्पोर्ट्स क्लबलाई १–० ले हरायो । मिलनको जितमा दिक्षान्त गिरीले गोल गरेका थिए । उनले खेलमा प्लेयर अफ द म्याचको पुरस्कार जिते ।

यसैगरी अर्को खेलमा कोहलपुर रेसिङ सहारा क्लबले नवदुर्गा युवा क्लबलाई ३–० ले पराजित गरेको छ । नवदुर्गाको जितमा ईश्वर श्रेष्ठले २ गोल र विपिन सिंजाली मगरले १ गोल गरे । विपिनले ५ मिनेट र ४४औं मिनेटमा गोल गरेका थिए । विपिनले ३३औं मिनेटमा गोल गरे । खेलमा ईश्वर प्लेयर अफ द म्याचबाट पुरस्कृत भए ।

आजको दुई खेलसँगै लिग चरणको खेल सकिएका छन् । अब मंगलबारदेखि नकआउट चरणको खेल सुरु हुने आयोजक बाँके जिल्ला फुटबल संघले जनाएको छ ।

प्रकाशित मिति: आइतबार, असार ९, २०८१ २१:४३

प्रतिक्रिया दिनुहोस्