स्पेन र फ्रान्स युरोकपको सेमिफाइनलमा, जर्मनी र पोर्चुगल बाहिरिए

खेलकुद

गृहपृष्ठ
खेलकुद
स्पेन र फ्रान्स युरोकपको सेमिफाइनलमा, जर्मनी र पोर्चुगल बाहिरिए

स्पेन र फ्रान्स युरोकपको सेमिफाइनलमा, जर्मनी र पोर्चुगल बाहिरिए

शनिबार, असार २२, २०८१ बागेश्वरी पोस्ट

काठमाडौं । जर्मनीमा जारी युरोकपमा स्पेनले जर्मनीलाई उसकै घरेलु मैदानमा पराजित गर्दै सेमिफाइनलमा प्रवेश गरेको छ । जर्मनी स्पेनसँँग २-१ गोलले पराजित हुँदै युरोकपबाट बाहिरिएको हो ।

जसमा स्पेनका ड्याने ओल्मले खेलको ५१औं मिनेटमा गोल गरेका थिए भने जर्मनीका फ्लोरियन रिजले ८९औं मिनेटमा गोल गर्दै खेल बराबरी हुँदा ३० मिनेटको अतिरिक्त समय थपिएको थियो । ३० मिनेट थपिएको अतिरिक्त समयको अन्तिम मिनेटमा मिकेल मेरिनाले गोल गरेपछि खेल २-१ को स्थितिमा पुगेको थियो ।

त्यसैगरी युरोकप दोस्रो क्वाटरफाइनलमा पोर्चुगललाई पेनाल्टी सुटआउटमा पराजित गर्दै फ्रान्स सेमिफाइनलमा पुगेको छ । पोर्चुगललाई पेनाल्टी सुटआउटमा ५–३ गोल अन्तरले पराजित गर्दै फ्रान्स सेमिफाइनलमा पुगेको हो ।

निर्धारित ९० मिनेट र त्यसपछि थपिएको ३० मिनेटमा दुवै देशबाट कुनै गोल नभएपछि खेलको निर्णय पेनाल्टी सुटआउटबाट गरिएको थियो ।

पेनाल्टी सुटआउटमा पोर्चुगलका लागि जोआओ फेलिक्सले पेनाल्टी मिस गरेपछि पोर्चुगल हारेको थियो । यो जितसँगै अब फ्रान्सले सेमिफाइनलमा स्पेनको सामना गर्नेछ ।

प्रकाशित मिति: शनिबार, असार २२, २०८१ ०९:०२