साना डिजिटल कारोबार गर्दा निःशुल्क गर्ने विषयमा पहल गर्छुः प्रधानमन्त्री

अर्थ

गृहपृष्ठ
अर्थ
साना डिजिटल कारोबार गर्दा निःशुल्क गर्ने विषयमा पहल गर्छुः प्रधानमन्त्री

साना डिजिटल कारोबार गर्दा निःशुल्क गर्ने विषयमा पहल गर्छुः प्रधानमन्त्री

आइतबार, भदौ ३०, २०८१ बागेश्वरी पोस्ट

नेपालगन्ज । प्रधानमन्त्री केपी शर्मा ओलीले साना डिजिटल कारोबार निःशुल्क गर्न पहल गर्ने बताएका छन् । उनले यो विषयमा सम्बन्धित अधिकारीहरुसँग छलफल गरिरहेको सामाजिक सञ्जाल मार्फत् जानकारी दिएका छन ।

सामाजिक सञ्जालबाट उनले भनेका छन्, ‘साना डिजिटल कारोबार गर्दा निःशुल्क गर्ने विषयमा म सम्बन्धित अधिकारीसँग छलफल गर्दैछु । तपाईंहरुका समस्या सरकारलाई यसरी नै जानकारी गराउनुहोला । हामीलाई सधैं झकझकाउनुहोस् । सरकारले त्यसतर्फ काम गर्दै जानेछ ।’

पछिल्लो समय मोबाइल बैंकिङ ट्रान्सफर गर्दा लाग्ने शुल्क अत्यधिक भएको विषयमा आफ्नो ध्यानाकर्षण भएको भन्दै उनले सानो कारोबार निःशुल्क गर्न पहल गर्ने बताएका हुन् । अहिले एकपटकमा ११ रुपैयाँ ३० पैसा काट्ने गरिएको छ ।

प्रकाशित मिति: आइतबार, भदौ ३०, २०८१ १२:१२

प्रतिक्रिया दिनुहोस्