एमजीको ब्याट्रीमा नयाँ प्रयोग, गाडीको मूल्य आधा कम

अर्थ

गृहपृष्ठ
अर्थ
एमजीको ब्याट्रीमा नयाँ प्रयोग, गाडीको मूल्य आधा कम

एमजीको ब्याट्रीमा नयाँ प्रयोग, गाडीको मूल्य आधा कम

सोमबार, असोज ७, २०८१ बागेश्वरी पोस्ट

नेपालगन्ज । मोरिस ग्यारेज (एमजी) ले भारतमा ब्याट्री विना नै गाडी बिक्री गर्ने योजना सार्वजनिक गरेको छ । कम्पनीले ल्याएको नयाँ स्कीम अनुसार भारतमा बिक्री गर्ने सबै मोडलमा यस्तो स्कीम दिएको हो ।

एमजीले भारतमा पहिलोपटक एमजी विन्डसरमा ब्याट्री बाहेक गाडीको मूल्य सार्वजनिक गरेको थियो । धेरैले अनौठो स्कीमको रुपमा लिएको यस योजनामा ग्राहकको प्रतिक्रिया अनुसार कोमेट र जेडएस ईभीमा पनि ब्याट्री बाहेकको गाडीको मूल्य सार्वजनिक भएको हो ।

विण्डसरको लन्चसँगै ब्याट्री रेन्टलको स्कीम ल्याएको जेएसडब्लू एमजी इन्डियाले ‘ब्याट्री एज ए सर्भिस’ (बास) नाम दिएको यो प्रोग्राममा गाडी खरिद गर्दा ब्याट्रीको पैसा तिर्नु पर्दैन । गाडी गुडाएको किलोमिटरको आधारमा मात्रै पैसा तिर्दा हुने स्कीम दिएको हो । त्यही कारण सुरुमा गाडी किन्दा ग्राहकले कम मूल्य तिर्दा हुन्छ ।

एमजीले भारतमा ब्याट्री बाहेक कोमेटको मूल्य ४ लाख ९९ हजार र जेडएस ईभीको मूल्य १३ लाख ९९ हजार रुपैयाँ तोकेको छ । कोमेट चलाउँदा प्रति किलोमिटर यात्रामा २.५ रुपैया रेन्टल तिर्नु पर्छ । जेडएस ईभीमा ४.५ रुपैया प्रतिकिलोमिटर तिर्नु पर्ने हुन्छ । यसअघि आएको विण्डसरमा प्रति किलोमिटर ३.५ रुपैया मूल्य तोकिसकेको छ ।

ब्याट्री सहित विन्डसरको मूल्य तोकियो
आगामी अक्टुबर ३ बाट बुकिङ सुरु हुने विन्डसरको ३८ किलोवाट आवरको ब्याट्री प्याकमा तीन भेरियन्ट एक्ससाइट, एक्सक्लुसिभ तथा इसेन्स भेरियन्ट उपलब्ध हुनेछ । यी तीन भेरियन्टको मूल्य क्रमशः १३ लाख ५० हजार, १४ लाख ५० हजार र १५ लाख ५० हजार भारतीय रुपैयाँ तोकिएको छ । यसअघि व्याट्री रेन्टल स्कीममा यसको मूल्य ९ लाख ९९ हजार तोकिएको थियो ।

एमजी विन्डसरमा ३८ किलोवाट आवरको प्रिज्म्याटिक सेल भएको एलएफपी ब्याट्रीप्याक छ । यसले सिंगल चार्जमा ३३१ किलोमिटर रेन्ज दिने कम्पनीको दावी छ ।

नेपाल पनि आउने
एमजीले विन्डसर ईभी नेपालमा पनि बिक्री गर्नेछ । पारामाउन्ट मोटर्सले आगामी अक्टोबर अन्तिमसम्ममा नेपालमा बुकिङ खुला गर्ने गरी काम गरिरहेको जनाएको छ ।

प्रकाशित मिति: सोमबार, असोज ७, २०८१ १३:०२