विद्यालयहरुमा सचेतना अभियान

शिक्षा

गृहपृष्ठ
शिक्षा
विद्यालयहरुमा सचेतना अभियान

विद्यालयहरुमा सचेतना अभियान

बुधबार, असोज ९, २०८१ बागेश्वरी पोस्ट

नेपालगञ्ज । अखिल नेपाल विद्यार्थी युनियन (समाजवादी) बाँकेले नेपालगञ्जका विभिन्न विद्यालयहरुमा सचेतना अभियान थालेको छ । विद्यार्थीहरुलाई लागूऔषध, मानव बेचबिखन, दुब्र्यवहार, सामाजिक अन्याय, कुरीति, भ्रष्टाचार लगायतका विषयमा अनुशिक्षण गर्ने उद्देश्यले निजी तथा सामुदायिक विद्यालयमा पुगेर सचेतना कार्यक्रम गरिरहेको विप्लब नेतृत्वको अखिल नेपाल विद्यार्थी युनियन (समाजवादी) का केन्द्रीय सदस्य एवम् बाँके जिल्ला संयोजक सागर सेन पौडेलले बताए ।

सचेतनासंगै शिक्षालय सुधार र आफ्नो संगठन निर्माण र विस्तारको कार्यलाई पनि संगसंगै अघि बढाइएको पौडेलको भनाई छ । "समाजमा देखिएको तमाम बेथितिका विरुद्ध सशक्त आवाज बुलन्द गर्न सक्ने गरी विद्यार्थीहरुलाई अनुशिक्षण गर्दै आइरहेका छौं," उनले भने-"विद्यालयमा पढाईको अवस्थाप्रति विद्यार्थीहरुलाई सचेत बनाउँदै शिक्षालय सुधारका लागि दबाब सिर्जना गर्ने उद्देश्य पनि हाम्रो हो ।" नेपालमा वैज्ञानिक समाजबादी राज्यब्यबस्था वा नेपाली विशेषताको सामाजबाद, स्थापना गरी नेपालमा समाजबादी शिक्षा नीति लागू गर्ने उद्देश्यले अभियान सञ्चालन गरिएको पौडेलको भनाई छ । यसैक्रममा पछिल्लोपटक नेपालगञ्जस्थित जि.भि.एन माविमा कानुन संकायका विद्यार्थीहरुसंग अन्तरक्रिया गरिएको अखिल नेपाल विद्यार्थी युनियन (समाजवादी) बाँकेले जनाएको छ ।

May be an image of 12 people, scooter, motorcycle and text