ग्रीन रनको उपाधि विजय र विनिसालाई

खेलकुद

गृहपृष्ठ
खेलकुद
ग्रीन रनको उपाधि विजय र विनिसालाई

ग्रीन रनको उपाधि विजय र विनिसालाई

शनिबार, कात्तिक २४, २०८१ बागेश्वरी पोस्ट

नेपालगन्ज । बाँकेको खजुरामा आज सम्पन्न गौघाट ग्रीन रन रोड रेसमा जनता नमूना उच्च माविका विजय खड्का र अमर माविका विनिसा एलजीले उपाधि जितेका छन् । छात्रतर्फ ज्ञानोदय नमूना माविका खगेन्द्र भण्डारी द्वितिय र जनता माविकै हेमन्त खत्री तृतीय हुँदा छात्रातर्फ अमर माविकै विनिता पुलामी मगर दोस्रो र जनताकै ऋतु बिष्ट तृतीय भएका छन् । धारा नेपालगन्ज म्याराथनको दशक यात्राका अवसरमा आयोजित 'दश बर्षमा दश इभेन्ट' अन्तर्गत खजुराको गौघाटमा ग्रीन रन आयोजना गरिएको हो ।

दौडमा पहिलो, दोस्रो र तेस्रो स्थान हासिल गर्ने खेलाडीलाई नगद पाँच हजार, तीन हजार र दुई हजार तथा ट्रफीले पुरस्कृत गरिएको छ । लुम्बिनी प्रदेश सभा सदस्य रत्न खत्री, समाजसेवी कृष्णमान श्रेष्ठ, वडा सदस्य लक्ष्य बहादुर ओली, नेपालगन्ज म्याराथनका रेस डाइरेक्टर चन्द्र गुरुङ, आउटरिच म्यानेजर चाहना शाह, लुम्बिनी खेलकुद परिषदका सदस्य डिबी तामाङले विजयी खेलाडीलाई पुरस्कार प्रदान गरेका थिए । जलवायु परिवर्तनका कारण पर्यावरणमा देखिएको विश्वव्यापी संकटका बारेमा विद्यार्थीलाई दौडमार्फत जागरण फैलाउन दौड आयोजना गरिएको नेपालगन्ज म्याराथनका संस्थापक टीएस ठकुरीले जानकारी दिए ।

प्रकाशित मिति: शनिबार, कात्तिक २४, २०८१ १४:१५