गार्डियन माइक्रो लाइफ इन्स्योरेन्स लिमिटेडले आईपीओ निष्कासन गर्दै

अर्थ

गृहपृष्ठ
अर्थ
गार्डियन माइक्रो लाइफ इन्स्योरेन्स लिमिटेडले आईपीओ निष्कासन गर्दै

गार्डियन माइक्रो लाइफ इन्स्योरेन्स लिमिटेडले आईपीओ निष्कासन गर्दै

सोमबार, मंसिर १०, २०८१ बागेश्वरी पोस्ट

काठमाडौं । नेपाल धितोपत्र बोर्ड (सेबोन) ले गार्डियन माइक्रो लाइफ इन्स्योरेन्स लिमिटेडलाई आईपीओ निष्कासन गर्ने अनुमति दिएको छ ।

गत साउन २४ गते आईपीओ निष्कासनका लागि आवेदन दिएको कम्पनीलाई सेबोनले साढे ३ महीनामै (मंसिर ७ गते) आईपीओ निष्कासनका लागि स्वीकृति प्रदान गरेको हो ।

कम्पनीलाई प्रतिशेयर १०० रुपैयाँका दरले २२ करोड ५० लाख रुपैयाँ बराबरको २२ लाख ५० हजार कित्ता आईपीओ निष्कासन गर्न अनुमति दिएको जानकारी बोर्डले गराएको छ ।

कम्पनीको आईपीओ निष्कासन तथा विक्री प्रबन्धकमा कुमारी क्यापिटल लिमिटेड रहेको छ ।

हाल कम्पनीमा संस्थापकतर्फ ७० प्रतिशत शेयर स्वामित्व छ । सर्वसाधारणमा कम्पनीले ३० प्रतिशत आईपीओ निष्कासन गर्न लागेको हो ।

कम्पनीले संस्थापकतर्फबाट चुक्ता गरेको पूँजी भने ५२ करोड ५० लाख रुपैयाँ छ । आईपीओ निष्कासन तथा बाँडफाँटपछि कम्पनीको चुक्तापूँजी ७५ करोड रुपैयाँ कायम हुनेछ ।

प्रकाशित मिति: सोमबार, मंसिर १०, २०८१ १४:३१

प्रतिक्रिया दिनुहोस्