एनपिएलमा जनकपुर बोल्ट्सको विजयी सुरुवात

खेलकुद

गृहपृष्ठ
खेलकुद
एनपिएलमा जनकपुर बोल्ट्सको विजयी सुरुवात

एनपिएलमा जनकपुर बोल्ट्सको विजयी सुरुवात

शनिबार, मंसिर १५, २०८१ बागेश्वरी पोस्ट

नेपालगञ्ज । सिद्धार्थ बैंक नेपाल प्रिमियर लिग (एनपिएल) को उद्घाटन खेलमा जनकपुर बोल्ट्स विजयी भएको छ ।

जनकपुरले आज कीर्तिपुरस्थित त्रिवि मैदानमा भएको खेलमा विराटनगर किंग्सलाई ८ विकेटले पराजित गरेको हो । विराटनगरले दिएको १२८ रनको लक्ष्य जनकपुरले १५.३ ओभरमा २ विकेट गुमाएर पूरा गर्‍यो ।

जनकपुरको जितमा लाहिरू मिलन्थाले अर्धशतक प्रहार गरे । उनले नटआउट ७५ रन जोड्ने क्रममा ५३ बलमा ९ चौका र ३ छक्का प्रहार गरे । हर्ष थाकरले नटआउट २९ रन जोडे । उनले ३३ बलमा २ चौका हिर्काए ।

उद्घाटन खेलमा विराटनगरले मार्टिन गप्टिलको अर्धशतकका बावजुत कमोजर ब्याटिङ गर्‍यो । टस जितेको जनकपुर बोल्ट्सले फिल्डिङ रोजेपछि पहिले ब्याटिङ गरेको विराटनगर १९ ओभरमा १२७ रनमा अलआउट भयो ।

विराटनगरका लागि न्युजिल्यान्डका गप्टिलले ५५ रन जोड्ने क्रममा ७ चौका र १ छक्का प्रहार गरे ।

प्रकाशित मिति: शनिबार, मंसिर १५, २०८१ १५:४८