नेपालगञ्जमा सातौं मेयर कप राष्ट्रिय साइकल दौड प्रतियोगिता हुने

खेलकुद

गृहपृष्ठ
खेलकुद
नेपालगञ्जमा सातौं मेयर कप राष्ट्रिय साइकल दौड प्रतियोगिता हुने

नेपालगञ्जमा सातौं मेयर कप राष्ट्रिय साइकल दौड प्रतियोगिता हुने

पत्रकार महासंघको नवनिर्वाचित कार्यसमितिलाई क्लबद्वारा बधाई ज्ञापन

बुधबार, पुस ३, २०८१ बागेश्वरी पोस्ट

नेपालगञ्ज । नेपालगञ्जमा सातौं मेयर कप राष्ट्रिय साइकल दौड प्रतियोगिता हुने भएको छ । नेपालगञ्ज साइक्लिङ क्लबको आयोजना र नेपालगञ्ज उपमहानगरपालिकाको सहकार्यमा यही पुस ६ गते मेयर कप साइकल दौड प्रतियोगिता हुने भएको हो । नेपालगञ्ज नगरलाई साइकल सिटीका रुपमा चिनाउने तथा वातावरणमैत्री सहरका रुपमा विकास गर्ने उद्देश्यका साथ वि.सं. २०७५ देखि प्रत्येक वर्ष प्रतियोगिता हुँदै आएको छ ।

नेपालगञ्जमा आज आयोजित पत्रकार सम्मेलनमा कार्यक्रम संयोजक कविराम बुढाथोकीले प्रतियोगितामा देशभरबाट ९० जना बढी महिला र पुरुष खेलाडी सहभागी हुने जानकारी दिए । प्रतियोगिता विभिन्न ५ विधामा आयोजना हुनेछ । दुई विधामा राष्ट्रिय स्तरका खेलाडीहरुले सहभागिता जनाउने आयोजक नेपालगञ्ज साइक्लिङ क्लबले जनाएको छ ।

May be an image of 5 people, dais and text

जस अन्तरगत MTB MALE ३५ किलोमिटर, MTB MASTER २५ किलोमिटर, MTB स्कुल लेभल १६ किमी, साधारण साइकल पुरुष २२ किमी र साधारण साइकल महिला १६ किलोमिटर विधा समावेश छन् । प्रतियोगिता नेपालगञ्जस्थित वीपी चोकबाट विहान सुरु हुने जनाइएको छ । प्रतियोगिताका विजेतालाई ५० हजार पुरस्कारको व्यवस्था गरिएको छ । नेपालगञ्ज साइक्लिङ क्लबले पर्यटन प्रवर्द्धन गर्ने उद्देश्यले प्रत्येक वर्ष टुर डे ठाकुरद्वारा पनि आयोजना गर्दै आएको छ ।

त्यस अवसरमा नेपालगञ्ज साइक्लिङ क्लबले नेपाल पत्रकार महासंघमा नवनिर्वाचित पदाधिकारीलाई बधाई एवम् सम्मान समेत गरेको छ । नेपालगञ्ज उपमहानगरपालिकाका उपप्रमुख कमरुद्दिन राई र नेपालगञ्ज साइक्लिङ क्लबका अध्यक्ष प्रदिप सापकोटाले नवनिर्वाचित लुम्बिनी प्रदेश अध्यक्ष शुक्रऋषि चौलागाई र बाँके अध्यक्ष नवीन गिरीसहित पदाधिकारी, सदस्य, केन्द्रिय पार्षद र प्रदेश पार्षदलाई टीका र खादा लागाएर बधाई ज्ञापन गरेका थिए ।

कार्यक्रममा उपप्रमुख राई र पत्रकार महासंघ बाँके अध्यक्ष गिरीले प्रतियोगिताको सफलताको शुभकामना ब्यक्त गरेका थिए । त्यस अवसरमा नेपालगञ्ज साइक्लिंग क्लबका अध्यक्ष सापकोटाले पत्रकारले सोधेका प्रश्नको जवाफ दिँदै प्रतियोगिताबारे जानकारी गराएका थिए । कार्यक्रम संयोजक बुढाथोकीले प्रतियोगितासम्बन्धि प्रेस विज्ञप्ती वाचन गरेका थिए । कार्यक्रमको सञ्चालन सचिव इन्द्रकुमार गिरीले गरेका थिए ।

May be an image of 9 people, dais and text