जानकीमा सातौं राष्ट्रपति रनिङ शिल्ड छनौट तथा अध्यक्ष कप खेलकुद हुँदै

खेलकुद

गृहपृष्ठ
खेलकुद
जानकीमा सातौं राष्ट्रपति रनिङ शिल्ड छनौट तथा अध्यक्ष कप खेलकुद हुँदै

जानकीमा सातौं राष्ट्रपति रनिङ शिल्ड छनौट तथा अध्यक्ष कप खेलकुद हुँदै

बिहीबार, पुस ४, २०८१ बागेश्वरी पोस्ट

नेपालगञ्ज । जानकी गाउँपालिकामा सातौं राष्ट्रपति रनिङ शिल्ड छनौट तथा अध्यक्ष कप खेलकुद प्रतियोगिता हुने भएको छ । जानकी गाउँपालिका शिक्षा, युवा तथा खेलकुद शाखाको आयोजनामा यही पुस ७ गतेदेखि ९ गतेसम्म तीन दिन प्रतियोगिता हुने भएको हो । प्रतियोगितामा जानकी गाउँपालिकामा रहेका ३९ वटा विद्यालय मध्येबाट ११ वटा विद्यालय सहभागी हुने शिक्षा, युवा तथा खेलकुद शाखाकी प्रमुख कृष्णा कुमारी भण्डारीले जानकारी दिइन् ।

प्रतियोगितामा जानकी मावि, नेरा मावि भटनपुरवा, मावि बन्जारेगाउँ, शिवपुरी मावि, बालविकास इंग्लिश मिडियम स्कुल मानपुर, ब्राइटस्टार इंग्लिश मिडियम स्कुल, जनसेवा इंग्लिश मिडियम स्कुल, जनसहयोग आवासिय विद्यालय, नेरा आवि गुरुवागाउँ, नेरा कन्या आवि मानपुर सहभागी हुँदैछन् । प्रतियोगिता नेपाल राष्ट्रिय कन्या आधारभूत विद्यालय मानपुरको फिल्डमा हुनेछ ।

प्रकाशित मिति: बिहीबार, पुस ४, २०८१ १९:२३

प्रतिक्रिया दिनुहोस्