लुम्बिनी कप फुटबलमा फुटबल संघको सहकार्य

खेलकुद

गृहपृष्ठ
खेलकुद
लुम्बिनी कप फुटबलमा फुटबल संघको सहकार्य

लुम्बिनी कप फुटबलमा फुटबल संघको सहकार्य

आइतबार, पुस ७, २०८१ बागेश्वरी पोस्ट

नेपालगञ्ज । नेपालगञ्जमा हुन लागेको लुम्बिनी कप महिला फुटबल प्रतियोगितामा बाँके जिल्ला फुटबल संघले सहकार्य गर्ने भएको छ । बाँके जिल्ला फुटबल संघको बैठकले नेपालगञ्ज रंगशालामा हुन लागेको लुम्बिनी कप महिला फुटबल प्रतियोगितामा सहकार्य गर्ने निर्णय गरेको हो ।

अन्तरालको आयोजनामा फागुनमा लुम्बिनी कप महिला फुटबल प्रतियोगिता हुँदैछ । बाँके जिल्ला फुटबल संघका अध्यक्ष एवम् अखिल नेपाल फुटबल संघका केन्द्रिय सदस्य भोजराज शाहीले महिला फुटबलको विकासमा प्रतियोगिताले महत्पूर्ण भुमिका खेल्ने भएकोले सहकार्य गरेको बताए ।

नेपालगञ्जमा हुन लागेको लुम्बिनी कप महिला फुटबल पश्चिम नेपालकै ठूलो प्रतियोगिता हो । यसअघि प्रतियोगिताको लोगो सार्वजनिक भइसकेको छ । नेपाली राष्ट्रिय महिला फुटबल टिमको पहिलो कप्तान रमा सिंह र वर्तमान कप्तान एन्जिला तुम्बाप्पो सुब्बाले संयुक्तरुपमा लुम्बिनी कपको लोगो सार्वजनिक गरेका थिए ।

फागुनको अन्तिम साता नेपालगञ्ज रंगशालामा हुने लुम्बिनी कपमा नेपाल र भारतका ८ टिमको सहभागिता रहने बताइएको छ । आयोजक अन्तरालका प्रमुख कार्यकारी जयनारायण शाहले बाँके जिल्ला फुटबल संघसँगको सहकार्यले प्रतियोगितालाई थप प्रभावकारी बनाउने विश्वास व्यक्त गरे ।

प्रकाशित मिति: आइतबार, पुस ७, २०८१ १९:०५