जानकीको राष्ट्रपति रनिङ शिल्ड तथा अध्यक्ष कप खेलकुदमा ब्राइट स्टार प्रथम

खेलकुद

गृहपृष्ठ
खेलकुद
जानकीको राष्ट्रपति रनिङ शिल्ड तथा अध्यक्ष कप खेलकुदमा ब्राइट स्टार प्रथम

जानकीको राष्ट्रपति रनिङ शिल्ड तथा अध्यक्ष कप खेलकुदमा ब्राइट स्टार प्रथम

बुधबार, पुस १०, २०८१ बागेश्वरी पोस्ट

जानकी (बाँके) । जानकी गाउँपालिकामा सञ्चालित सातौं राष्ट्रपति रनिङ शिल्ड छनौट तथा अध्यक्ष कप खेलकुद प्रतियोगितामा ब्राइट स्टार इंग्लिश मिडियम स्कुल प्रथम भएको छ । प्रतियोगितामा जानकी मावि खजुराखुर्द दोस्रो र शिवपुरी मावि तेस्रो भएका छन् ।

पुस ७ गते आइतबारदेखि सुरु भएको प्रतियोगिताको समापन कार्यक्रम कार्यक्रममा बोल्दै गाउँपालिका अध्यक्ष छब्बन खाँले विद्यालयमा राम्रो नतिजा नआएकाले शिक्षामा बजेट धेरै छुट्याएको र जानकीलाई शिक्षामा राम्रो बनाउनका लागि शिक्षक, अभिभावक, विद्यालय व्यवस्थापन समिति सबै मिलेर अगाडि बढ्नुपर्नेमा जोड दिए । उनले जानकीका विद्यार्थी पढेर असल र सफल मान्छे बनेको देख्न चाहेको भन्दै त्यसको लागि पालिकाको तर्फबाट आफूले गर्नुपर्ने सहयोगमा कुनै कसर बाँकी नराख्ने बताए । उनले प्रतियोगितामा उत्कृष्ट भएका विद्यालयलाई बधाई दिए । विवादका करण एक दिन समापनमा ढलाई भए पनि छलफलबाट निकास निकालिएको भन्दै अध्यक्ष खाँले आउने बर्षमा विद्यालय भन्दा बाहिरका बालबालिकालाई प्रतियागितमा सहभागी गराइएको पाइएमा शिक्षा ऐन अनुसार पालिकाले कडा भन्दा कडा कारवाही गर्ने चेतावनी समेत दिए ।

समापन कार्यक्रममा उपाध्यक्ष रामप्यारी यादव, प्रवक्ता टिकानाथ यादव, सामािजक विकास समितिका संयोजक रामआचल धोवी, संस्थागत र सामुदायिक विद्यालयका शिक्षकहरुले समेत आ-आफ्नो धारणा राखेका थिए । कार्यक्रममा वडा नम्बर ३ का वडा अध्यक्ष राजकुमार कुर्मी, वडा सदस्स्यहरु, कार्र्यपालिका सदस्यहरु, शिक्षा, युवा तगा खेलकुद शाखाकी प्रमुख कृष्णा कुमारी भण्डरी, झुमी कुमारी वली, शिक्षक लगायतको उपस्थिति थियो ।

प्रकाशित मिति: बुधबार, पुस १०, २०८१ १८:४३

प्रतिक्रिया दिनुहोस्