खेलकुदको बढ्दो माहोलले सरकारलाई लगानी गर्न दबाब बढाएको छः मन्त्री चौधरी

खेलकुद

गृहपृष्ठ
खेलकुद
खेलकुदको बढ्दो माहोलले सरकारलाई लगानी गर्न दबाब बढाएको छः मन्त्री चौधरी

खेलकुदको बढ्दो माहोलले सरकारलाई लगानी गर्न दबाब बढाएको छः मन्त्री चौधरी

शुक्रबार, पुस १२, २०८१ बागेश्वरी पोस्ट

नेपालगञ्ज । नेपाल सरकारका युवा तथा खेलकुद मन्त्री तेजुलाल चौधरीले मुलुकमा खेलकुदको बढ्दो खेलकुदको बढ्दो माहोलले लगानी गर्न सरकारमाथि दबाब बढाएको छः मन्त्री चौधरी ले सरकारलाई खेलकुद र पूर्वाधारमा व्यापक लगानी गर्न दबाब बढेको बताएका छन् ।

नेपालगञ्जमा आजदेखि सुरु भएको दुई दिने दोस्रो प्रोफेसनल हाप्किडो राष्ट्रिय च्याम्पियनसिप २०८१ को उद्घाटन गर्दै मन्त्री चौधरीले पछिल्लो समय आयोजित विभिन्न प्रतियोगिताहरुले खेलकुदको क्रेज बढाएको बताए । नेपाल सरकारले खेलकुदमा अब आगामी बर्ष उत्साहजनक बजेट छुट्याउने मन्त्री चौधरीको भनाई छ । उनले नेपाल सरकारले खेलाडीका लागि रोजगारी सिर्जना गर्ने गरी योजना बनाइरहेको बताए ।

May be an image of 10 people and text

मन्त्री चौधरीले हाप्किडो खेलको विकासका लागि सरकार गम्भीर रहेको बताउँदै यी खेलले खेलाडीको वृत्ति विकास र पहिचानसंगै राष्ट्रको छवि बढाउन योगदान गरिरहेको बताए । नेपाल हाप्किडो संघका अध्यक्ष काली बहादुर घर्ती मगरको अध्यक्षतामा भएको उद्घाटन कार्यक्रममा लुम्बिनी प्रदेश सभा सदस्य माया पुन, कांग्रेस बाँकेका सभापति नारायण प्रसाद गौडेल लगायतको उपस्थिति थियो । त्यसअघि वीपी चोकबाट नेपालगञ्ज रंगशालास्थित कभर्ड हलसम्म र्याली समेत निकालिएको थियो ।

May be an image of martial arts and text