लुम्बिनी कप महिला फुटबलको सल्लाहकारमा सम्झना र राठौर मनोनयन

खेलकुद

गृहपृष्ठ
खेलकुद
लुम्बिनी कप महिला फुटबलको सल्लाहकारमा सम्झना र राठौर मनोनयन

लुम्बिनी कप महिला फुटबलको सल्लाहकारमा सम्झना र राठौर मनोनयन

आइतबार, पुस १४, २०८१ बागेश्वरी पोस्ट

नेपालगञ्ज । नेपालगञ्जमा हुन लागेको प्रथम लुम्बिनी कप महिला फुटबल प्रतियोगिताको सल्लाहकारमा बरिष्ठ फुटबलकर्मी गोवद्र्धन सिंह सम्झना र प्रदेश सिंह राठौरलाई मनोनयन गरिएको छ । आयोजक अन्तरालले उनीहरुलाई प्रतियोगिताको सल्लाहकारको रुपमा मनोनयन गरेको जनाएको छ । सिंह अखिल नेपाल फुटबल संघ (एन्फा) का पूर्व उपाध्यक्ष हुन् भने राठौर एन्फाका पूर्व केन्द्रीय सदस्य र बाँके जिल्ला फुटवल संघका पूर्व अध्यक्ष हुन् ।

बाँके जिल्ला फुटबल संघको सहकार्यमा अन्तरालले लुम्बिनी कप महिला फुटवल आगामी फागुन १९ गतेदेखि २९ गतेसम्म नेपालगन्जमा आयोजना गर्ने तयारी गरेको छ । नेपालगञ्ज रंगशालामा हुने उक्त फुटबल प्रतियोगितामा नेपाल र छिमेकी मित्र राष्ट्र भारतका ८ टिम सहभागी हुनेछन् । प्रतियोगिताले पश्चिम नेपालको फुटबल विकासमा महत्वपूर्ण भुमिका खेल्ने अखिल नेपाल फुटबल संघका केन्द्रिय सदस्य एवम् बाँके जिल्ला फुटबल संघका अध्यक्ष भोजराज शाहीले बताए । उनले भने,‘यो प्रतियोगिता हाम्रो लागि विशेष छ । पश्चिम नेपालमा महिलाको स्तरीय प्रतियोगिता हुँदैन । यसले महिला फुटबलमा नयाँ किसिमको उर्जा थप्ने हामीले विश्वास लिएका छौं ।’

अन्तरालका प्रमुख कार्यकारी जयनारायण शाहले फुटबल क्षेत्रका महत्वपूर्ण व्यक्तिलाई सल्लाहकारको रुपमा नियुक्त गर्न पाउँदा खुसी लागेको बताएका छन् । उनले भने,‘लुम्बिनी कप महिला फुटबल महिला खेलाडीलाई अवसर प्रदान गर्न आयोजना गर्न लागिएको हो । यसले फुटबल खेलाडीको स्तर वृद्धि गर्नुका साथै पश्चिम नेपालको खेल, पर्यटन क्षेत्रको विकासमा सहयोग गर्नेछ ।’

प्रकाशित मिति: आइतबार, पुस १४, २०८१ २०:५१

प्रतिक्रिया दिनुहोस्