आदर्श माविको स्पोर्ट्स मिट सुरु

खेलकुद

गृहपृष्ठ
खेलकुद
आदर्श माविको स्पोर्ट्स मिट सुरु

आदर्श माविको स्पोर्ट्स मिट सुरु

सोमबार, माघ ७, २०८१ बागेश्वरी पोस्ट

नेपालगन्ज । नेपालगञ्ज-१० स्थित आदर्श माध्यमिक विद्यालयले आजदेखि स्पोर्ट्स मिट सञ्चालन गरेको छ ।

विद्यालयका सहप्रचार्य टंक प्रसाद गौतमका अनुसार स्पोर्ट्स मिटमा फुटबल, भलिबल, लङजम्प, दौड, खोखो, कुर्सी दौड, सर्टफुट, व्याडमिन्टन लगायतका खेलहरु हुनेछन् । विद्यालयका अभिभावक विद्यार्थीहरूलाई खेलकुदमा प्रोत्साहित गर्दै शारीरिक तन्दुरुस्ती र खेल भावना विकास गर्ने उद्देश्यले ९ गतेसम्म स्पोर्ट्स मिट सञ्चालन हुनेछ ।

नेपालगन्ज उपमहानगरपालिका वडा नम्बर-१ स्थित एन्फा ग्रासरुट फुटबल ट्रेनिङ सेन्टरमा जारी स्पोर्ट्स मिटमा विभिन्न प्रकारका रोमाञ्चक खेल भइरहेका छन् । स्पोर्ट्स मिटको नेपाल पत्रकार महासंघ लुम्बिनी प्रदेश अध्यक्ष शुक्रऋषि चौलागाईले झण्डोत्तलन गर्दै उदघाटन गरे । प्रमुख अतिथि रहेका अध्यक्ष चौलागाईले स्पोर्ट्स मिटले खेल भावना जागृत गर्नुका साथै प्रतिस्पर्धात्मक माहोलमा आफूलाई प्रस्तुत गर्ने अवसर प्रदान गर्ने विश्वास व्यक्त गरे । उनले माध्यामिक तहबाटै सञ्चार र पत्रकारिताको पढाई गरिनुपर्नेमा जोड दिँदै शिक्षकहरुलाई सञ्चार सीपको आवश्यकता पनि औंल्याए ।

May be an image of 9 people and text

आदर्श मावि व्यवस्थापन समितिका अध्यक्ष सन्जय थापाको अध्यक्षतामा भएको कार्यक्रममा नेपाल पत्रकार महासंघका बाँकेका अध्यक्ष नवीन गिरीले विद्यार्थीको चौतर्फी वृत्ति विकासमा खेलकुद महत्वपूर्ण अंश भएको भन्दै शारीरिक र मानसिक स्वास्थ्यका लागि खेल अनिवार्य रहेको बताए । उनले खेलकुदले विद्यार्थीलाई अनुशासित, कर्तब्यनिष्ठ र मेहनती बन्न प्रेरित गर्ने भएकाले विद्यार्थीको सर्वाङ्गीण विकासका लागि विद्यालयले निरन्तर रुपमा यस्ता गतिविधि संचालन गर्नुपर्नेमा जोड दिए ।

विद्यालयका प्राचार्य विरभान केसीले स्वागत मन्तव्य ब्यक्त गरेको कार्यक्रममा एकेडेमिक एडभाइजर प्रकाश लामिछाने, प्लुस टु कोर्डिनेटर महेश्वर जोशी लगायतको उपस्थिति थियो । स्पोर्ट्स मिटले प्रतिभा उजागरसँगै विद्यार्थीहरूको क्षमता र जोशलाई बढावा दिने विश्वास गरिएको छ । पाठ्यक्रममा आधारित नियमित अध्यापनसँगै अतिरिक्त क्रियाकलापहरुमा पनि विद्यार्थीहरुको लगाव प्रबद्र्धन गर्न विद्यालयले बार्षिकरुपमा यस्ता कार्यक्रम गर्दै आएको छ ।

May be an image of 10 people, clarinet and text May be an image of 13 people, clarinet and text May be an image of crowd and fog