लुम्बिनी कप महिला फुटबलः शिक्षा तथा गैरसरकारी संस्थाका पदाधिकारीसंग समन्वय बैठक

खेलकुद

गृहपृष्ठ
खेलकुद
लुम्बिनी कप महिला फुटबलः शिक्षा तथा गैरसरकारी संस्थाका पदाधिकारीसंग समन्वय बैठक

लुम्बिनी कप महिला फुटबलः शिक्षा तथा गैरसरकारी संस्थाका पदाधिकारीसंग समन्वय बैठक

बुधबार, माघ ९, २०८१ बागेश्वरी पोस्ट

नेपालगञ्ज । बाँके जिल्लामा क्रियाशिल गैरसरकारी संस्थाका पदाधिकारीहरुले नेपालगञ्जमा हुन लागेको लुम्बिनी कप महिला फुटबल प्रतियोगितामा आफ्नो सबै खाले सहयोग रहने प्रतिबद्धता जनाएका छन् । आगामी फागुन १९ देखि २९ गतेसम्म नेपालगञ्जमा लुम्बिनी कप महिला फुटबल प्रतियोगिता हुँदैछ ।

प्रतियोगिता आयोजक अन्तरालले आज आयोजना गरेको समन्वयात्मक बैठकमा सहभागी पदाधिकारीहरुले नेपालगञ्जमा प्रतियोगिताको आयोजना हुनु गर्वको कुरा भएको बताउँदै यसमा सबैले अपनत्व लिनुपर्नेमा समेत जोड दिएका थिए ।

बैठकमा गैरसरकारी संस्था महासंघ लुम्बिनी प्रदेश सदस्य शंकर न्यौपानेले लामो समयको पर्खाईपछि नेपालगञ्जमा राष्ट्रियस्तरको महिला फुटबल हुनु सबैका लागि खुशीको कुरा भएको बताउँदै प्रतियोगिताले महिला खेलाडी उत्पादनमा सघाउ पुर्याउने विश्वास व्यक्त गरे ।

सूचना र मानव अधिकार अनुसन्धान केन्द्रका अध्यक्ष विश्वजित तिवारी, फातिमा फाउण्डेशनका अध्यक्ष मैमूना सिद्धिकी र बहुमुखी सेवा केन्द्रका अध्यक्ष प्रभात ठकुरीले लुम्बिनी कप महिला फुटबल सफल बनाउन सामूहिक हातेमालो गरेर अघि बढ्न आफूहरु तयार रहेको बताए ।

बैठकमा बरिष्ठ सामाजिक अभियन्ता पूर्णचन्द्र उपाध्यक्ष, गैरसरकारी संस्था महासंघका पूर्व जिल्ला उपाध्यक्ष निर्मला सुनार, सामुहिक अभियान नेपालका अध्यक्ष केशु पोखरेल, सचिव तारा वली, सामाजिक अभियन्ताहरु बिनोद थापा, रामु चिडिमार, वामदेव पोखरेलको उपस्थिति रहेको थियो ।

यसैगरी, लुम्बिनी कप महिला फुटबलकै सन्दर्भमा आजै शिक्षा सम्बद्ध संस्थासंगको समन्वयात्मक बैठक बसेको थियो ।

बैठकमा नेपालगञ्ज उपमहानगरपालिका शिक्षा महाशाखा प्रमुख गोर्खबहादुर थापा, प्याब्सन बाँके अध्यक्ष विकास बज्राचार्य, कोषाध्यक्ष प्रबिण गिरी, प्याब्सन नगर अध्यक्ष मानबहादुर थापा, शिक्षक महासंघ बाँकेका उपाध्यक्ष शेखर रावतसंग प्रतियोगिता सफल बनाउन घनिभूत छलफल भएको थियो ।

बैठकमा प्रतियोगिता आयोजक अन्तरालका प्रमुख कार्यकारी जयनारायण शाह, मिडिया संयोजक निरजकुमार गौतम, सचिवालय प्रमुख रमेश मल्ल, समन्वय तथा परिचालन उपसमितिका संयोजक तेजविक्रम शाह र बाँके जिल्ला फुटबल संघका महासचिव कमल खत्रीले लुम्बिनी कप महिला फुटबलमा अहिलेसम्म भएका तयारीका बारेमा जानकारी गराएका थिए ।

प्रकाशित मिति: बुधबार, माघ ९, २०८१ २०:२८

प्रतिक्रिया दिनुहोस्