नेपालगञ्जमा भोलिदेखि मेयर तथा उपमेयर कप क्रिकेट प्रतियोगिता

खेलकुद

गृहपृष्ठ
खेलकुद
नेपालगञ्जमा भोलिदेखि मेयर तथा उपमेयर कप क्रिकेट प्रतियोगिता

नेपालगञ्जमा भोलिदेखि मेयर तथा उपमेयर कप क्रिकेट प्रतियोगिता

शुक्रबार, माघ ११, २०८१ बागेश्वरी पोस्ट

नेपालगञ्ज । नेपालगञ्जमा भोलिदेखि मेयर तथा उपमेयर कप क्रिकेट प्रतियोगिता सुरु हुँदैछ । बाँके जिल्ला क्रिकेट संघको आयोजनामा मेयर कप खुल्ला पुरुष त्रिकेट तथा उपमेयर कप खुल्ला महिला क्रिकेट प्रतियोगिता हुने लागेको हो । प्रतियोगिताको तयारी पूरा भएको आयोजकले आज नेपालगञ्जमा पत्रकार सम्मेलन गरेर जानकारी दिएको छ ।

पुरुषतर्फ २४ र महिलातर्फ ९ वटा टिमको सहभागिता रहेको प्रतियोगिता संयोजक सुनिल सिंह हमालले बताए । पुरुषतर्फको खेल नक आउट तथा महिलातर्फको खेल लिग कम नक आउटका आधारमा खेलाइने प्रतियोगिताका प्राविधिक संयोजक मनमोहन लम्सालले जानकारी दिए ।

पुरुषतर्फको विजेता टिमले ७५ हजार र उपविजेता टिमले ३५ हजार तथा महिलातर्फको विजेता टिमले २५ हजार र उपविजेता टिमले १५ हजार नगद पुरस्कार प्राप्त गर्ने हमालले बताए । नेपालगञ्ज उपमहानगरपालिकाले पुरुष क्रिकेट प्रतियोगिताका लागि रु. ५ लाख तथा महिला प्रतियोगिताका लागि रु. १ लाख सहयोग गरेको छ भने बाँकी खर्च संघले नै ब्यहोर्ने बताइएको छ ।

प्रकाशित मिति: शुक्रबार, माघ ११, २०८१ २०:५३

प्रतिक्रिया दिनुहोस्