कट्टा हान्दिन्छु भन्दै एलिनाको प्रस्तुति !

अर्थ

गृहपृष्ठ
अर्थ
कट्टा हान्दिन्छु भन्दै एलिनाको प्रस्तुति !

कट्टा हान्दिन्छु भन्दै एलिनाको प्रस्तुति !

मंगलबार, माघ १५, २०८१ बागेश्वरी पोस्ट

नेपालगञ्ज । प्रादेशिक महोत्सव २०८१ को छैटौं दिन आज गायिका एलिना चौहान लगायतका कलाकारहरुको बेजोड प्रस्तुति रहेको थियो । गायिका एलिना चौहान, गायक कमल बिसी माल्दाइ, डान्सर तथा मोडल रुबिना अधिकारी, गायक राज कुश्मी लगायतका कलाकारहरु महोत्सवमा आएका थिए । स्थानीय कलाकारहरुको प्रस्तुति सकिए लगत्तै राष्ट्रिय कलाकारहरुले प्रस्तुति दिएका थिए । सुरुमा गायक कमल बिसी माल्दाइ डोरी बाटेर गीत गाउँदै स्टेज उक्लिएका थिए । उनले झण्डै आधा दर्जन गीतहरू गाएर दर्शकहरुलाई झुमाएका थिए ।

कमलको प्रस्तुति सकिएपछि डान्सर रुविना अधिकारीले पनि आधा दर्जन गीतमा आफ्नो नृत्य प्रस्तुत गरेकी थिइन् । गायिका एलिना चौहानको प्रस्तुतिमा त दर्शकहरु अति नै झुमेका थिए । उनले ‘यो भाग्यमा खोट छु..., धोकेबाज..., कट्टा हान्दिन्छु...,मिनरल वाटर...लगायतका लोकप्रिय गीत गाउँदा दर्शकहरुले पनि सँगै गाएर नाच्दै साथ दिएका थिए । राष्ट्रिय कलाकारहरुको रुपमा अन्तिम प्रस्तुतिका लागि चाहिँ चर्चित थारु गायक राज कुश्मी स्टेज उक्लिएका थिए । उनले पनि आफ्ना चर्चित गीतहरू गाएर मनोरञ्जन प्रदान गरेका थिए । उनले झण्डै डेढ घण्टा आफ्नो प्रस्तुति दिएका थिए ।

साँस्कृतिक व्यवस्थापन समितिका संयोजक मख्खन बहादुर धामीका अनुसार सातौं दिन भोलि बुधबार लोकप्रिय गायक बद्री पंगेनी, गायक चक्र बम, गायिका भूमिमा गिरी र डान्सर आरुषी मगरले महोत्सवमा प्रस्तुति दिनेछन् ।

प्रकाशित मिति: मंगलबार, माघ १५, २०८१ २१:४५

प्रतिक्रिया दिनुहोस्