बाँकेमा आजदेखि २२ हजार बढी किशोरीलाई पहिलो चरणको एचपिभी खोप लगाइँदै

स्वास्थ्य

गृहपृष्ठ
स्वास्थ्य
बाँकेमा आजदेखि २२ हजार बढी किशोरीलाई पहिलो चरणको एचपिभी खोप लगाइँदै

बाँकेमा आजदेखि २२ हजार बढी किशोरीलाई पहिलो चरणको एचपिभी खोप लगाइँदै

मंगलबार, माघ २२, २०८१ बागेश्वरी पोस्ट

नेपालगन्ज । आजदेखि बाँकेमा किशोरीलाई पाठेघरको मुखको क्यान्सरविरुद्धको ‘ह्युमन पापिलोमा भाइरस’ (एचपिभी) खोप लगाइँदैछ ।

पहिलो चरणमा आजदेखि नेपालगन्ज उपमहानगरपालिका, कोहलपुर नगरपालिका, खजुरा गाउँपालिका र जानकी गाउँपालिकाका २२ हजार ५ सय ८९ जना किशोरीलाई फागुन १ गतेसम्म खोप लगाइने स्वास्थ्य कार्यालय बाँकेका जनस्वास्थ्य अधिकृत तथा खोप फोकल पर्सन नरेशबाबु श्रेष्ठले जानकारी दिए ।

त्यसैगरी दोस्रो चरणमा माघ ३० गतेबाट राप्तीसोनारी गाउँपालिका, बैजनाथ गाउँपालिका, डुडुवा गाउँपालिका र नरैनापुर गाउँपालिका गरी ४ वटा पालिकाका १२ हजार ३ सय ६१ जना किशोरीलाई माघ ३० गतेदेखि खोप लगाउने कार्यक्रम रहेको श्रेष्ठले बताए ।

फोकल पर्सन श्रेष्ठका अनुसार ३ सय ७८ वटा विद्यालयमा अध्ययनरत ३६ हजार ९५० किशोरीलाई खोप लगाउनका लागि जिल्लामा ४ सय ५९ वटा खोप केन्द्र तोकिएको छ । जसमा ३ सय ७८ वटा विद्यालयमा र ८१ वटा विद्यालय बाहिर खोप केन्द्र छन् ।

कक्षा ६ देखि १० सम्मका र विद्यालय बाहिर रहेका १० देखि १४ वर्ष उमेर समूहका किशोरीलाई खोप लगाइने श्रेष्ठले जानकारी दिएका छन् ।

प्रकाशित मिति: मंगलबार, माघ २२, २०८१ ०७:१५

प्रतिक्रिया दिनुहोस्