मेयर कप फुटबलको तयारी पूरा, नेपालगञ्ज रंगशालामा शनिबारदेखि प्रतियोगिता हुँदै

खेलकुद

गृहपृष्ठ
खेलकुद
मेयर कप फुटबलको तयारी पूरा, नेपालगञ्ज रंगशालामा शनिबारदेखि प्रतियोगिता हुँदै

मेयर कप फुटबलको तयारी पूरा, नेपालगञ्ज रंगशालामा शनिबारदेखि प्रतियोगिता हुँदै

शुक्रबार, माघ २५, २०८१ बागेश्वरी पोस्ट

नेपालगञ्ज । मेयर कप अन्तर विद्यालय छात्र–छात्रा फुटबल प्रतियोगिता– २०८१ शनिबारदेखि नेपालगञ्जमा सुरु हुँदैछ । बाँके जिल्ला फुटबल संघको आयोजनामा हुन लागेको प्रतियोगिताको उद्घाटन खेलमा डिफेन्डिङ च्याम्पियन नेपालगञ्ज सेन्ट जेभियर्स स्कुल र होप इन्टरनेसनल स्कुलले प्रतिस्पर्धा गर्दैछन् । नेपालगञ्ज रंगशालामा हुने प्रतियोगिताको छात्रतर्फ २१ विद्यालयको सहभागिता रहेको छ ।

प्रतियोगिताको समूहमा ‘ए’ मा नेपालगञ्ज सेन्ट जेभियर्स स्कुल, होप इन्टरनेशनल, पशुपति मावि राँझा, ब्राइटल्याण्ड मावि, ड्रिमल्याण्ड, मनकामना, सगरमाथा, राम मावि, मोडर्न पब्लिक र जीवनज्योती स्कुल रहेका छन् । समूह ‘बी’ मा आदर्श मावि राँझा, जय बागेश्वरी स्कुल, मुनतारा, ग्रीनपीस, आदर्श मावि नेपालगञ्ज, सेन्ट थोमस, सिद्धार्थ विद्या सदन फुल्टेक्रा, धम्बोझी मावि, मंगल प्रसाद मावि, युनाइटेड र नेपालगञ्ज मोडेल एकेडेमी रहेका छन् । प्रतियोगिताको छात्र तर्फको फाइनल खेल फागुन ३ गते हुनेछ ।

आयोजक बाँके जिल्ला फुटबल संघका अध्यक्ष भोजराज शाहीले प्रतियोगिताको सम्पूर्ण तयारी पूरा भएको बताएका छन् । प्रतियोगिताले विद्यालय स्तरबाट नयाँ खेलाडी उत्पादनमा सहयोग गर्ने बाँके जिल्ला फुटबल संघका अध्यक्ष एवम् अखिल नेपाल फुटबल संघका केन्द्रिय सदस्य भोजराज शाहीले बताए । छात्रा तर्फको फुटबल प्रतियोगितालाई नेपालगञ्जमा हुन लागेको लुम्बिनी कप महिला फुटबल प्रतियोगितामा स्थानीय टिमको लागि खेलाडी छनोटको रुपमा पनि लिइएको आयोजकले बताएको छ । प्रतियोगिताका दौरान उत्कृष्ट प्रदर्शन गर्ने खेलाडीलाई छनोट चरणमा सहभागी गराउने तयारी रहेको संघले बताएको छ ।

प्रकाशित मिति: शुक्रबार, माघ २५, २०८१ २१:०३

प्रतिक्रिया दिनुहोस्