पूर्व खेलाडी समाज बाँकेको अध्यक्षमा श्रेष्ठ निर्बाचित

खेलकुद

गृहपृष्ठ
खेलकुद
पूर्व खेलाडी समाज बाँकेको अध्यक्षमा श्रेष्ठ निर्बाचित

पूर्व खेलाडी समाज बाँकेको अध्यक्षमा श्रेष्ठ निर्बाचित

बुधबार, माघ ३०, २०८१ बागेश्वरी पोस्ट

नेपालगन्ज । प्रकाश बहादुर श्रेष्ठको अध्यक्षतामा पूर्व खेलाडी समाज बाँकेको १३ सदस्यीय कार्यसमिति निर्बिरोध निर्बाचित भएको छ । बुधबार नेपालगन्जमा सम्पन्न समाजको प्रथम साधारणसभा तथा अधिवेशनबाट उक्त कार्यसमिति निर्बिरोध निर्बाचित भएको हो ।

समाजको बरिष्ठ उपाध्यक्षमा निजामुद्दिन सिद्दिकी, उपाध्यक्षमा शान्ती सिंह क्षेत्री, महासचिवमा जयन्त कुमार शर्मा, सचिवमा नरेन्द्र थापा, सहसचिवमा अभय कुमार बस्नेत र कोषाध्यक्षमा बिरेन्द्रमान श्रेष्ठ रहेका छन् ।

त्यसैगरी सदस्यहरुमा गोबिन्द प्रसाद श्रेष्ठ, राकेश श्रीवास्तव, मनोज कुमार श्रेष्ठ, चन्द्र बहादुर गुरुङ, आशा बिष्ट र पार्वती थापा क्षेत्री रहेका छन् । निर्वाचन समिति प्रमुख शिव कुमार श्रेष्ठले सम्पूर्ण कार्यसमिति निर्बिरोध निर्वाचित भएको घोषणा गरेका थिए ।

समाजका अध्यक्ष प्रकाश बहादुर श्रेष्ठको अध्यक्षतामा उद्घाटन सत्र सम्पन्न भएको थियो । प्रमुख अतिथि ओलम्पियन तथा लुम्बिनी प्रदेशका पूर्व मन्त्री सुरेन्द्र बहादुर हमालले पानसमा दीप प्रज्ज्वलन गरी कार्यक्रमको उद्घाटन गर्नुका साथै नवनिर्वाचित अध्यक्ष एवम् पदाधिकारी तथा सदस्यहरुलाई प्रमाणपत्र प्रदान गरेका थिए ।

कार्यक्रममा नेपालगन्ज म्याराथनका संस्थापक एवम् क्रियटिभ ह्याण्ड्सका अध्यक्ष टिएस ठकुरी, नेपालगन्ज उपमहानगरपालिका वडा नम्बर २ का वडा अध्यक्ष मनोज कुमार श्रेष्ठले शुभकामना दिएका थिए । यसैबीच बुधवारै समाजको पहिलो बैठक बसेर विभिन्न निर्णयहरु गरेको छ । बैठकले सधारणसभा सफलतापूर्वक सम्पन्न गर्न सहयोग गर्ने निर्वाचन समिति, वडा नम्बर २ को कार्यालय लगायत सम्पूर्णलाई धन्यबाद ज्ञापन गरेको छ । साथै केही साताभित्रै भलिबल, शारीरिक सुगठन र ब्याडमिन्टन प्रतियोगिता आयोजना गर्ने निर्णय गरेको सचिव थापाले जानकारी दिए ।

प्रकाशित मिति: बुधबार, माघ ३०, २०८१ १९:२९

प्रतिक्रिया दिनुहोस्