न्यू दर्पण कपमा आयोजक फाइनल प्रवेश

खेलकुद

गृहपृष्ठ
खेलकुद
न्यू दर्पण कपमा आयोजक फाइनल प्रवेश

न्यू दर्पण कपमा आयोजक फाइनल प्रवेश

बिहीबार, फागुन १५, २०८१ बागेश्वरी पोस्ट

नेपालगञ्ज । बाँकेको खजुरा गाउँपालिका वडा नम्बर ४ ई-गाउँमा जारी दोस्रो दर्पण कप खुला नकआउट फुटबल प्रतियोगितामा आयोजक न्यू दर्पण युवा स्पोर्ट्स क्लव फाइनल प्रवेश गरेको छ ।

ई-गाउँस्थित मनकामना माविको खेल मैदानमा आज भएको पहिलो सेमिफाइनलमा न्यू जेनेरेशन एफसीलाई शून्यका बिरुद्ध ६ गोलको फराकिलो अन्तरले पराजित गर्दै आयोजक न्यू दर्पण फाइनलमा प्रवेश गरेको हो । न्यू दर्पणका तर्फबाट म्यान अफ द म्याच विपिन थापा मगर र श्याम बयादी गरी दुई जनाले ह्याट्रिक पूरा गरे ।

प्रतियोगिताको दोश्रो सेमिफाइनल खेल भोलि शुक्रबार न्यू डाँफे स्पोर्ट्स क्लब डि-गाउँ र पशुपति युवा क्लव खजुरा ८ घियाबीच हुने आयोजक न्यू दर्पण युवा स्पोर्ट्स क्लवका कोषाध्यक्ष देबबहादुर बिसीले जानकारी दिए । दोश्रो सेमिफाइनल अघि शुक्रबार नै मैत्रीपूर्ण लिजेण्ड फुटबल हुनेछ । प्रतियोगिताको फाइनल खेल शनिबार दिउँसो हुनेछ ।

प्रतियोगितामा बिभिन्न १४ समूहको सहभागिता रहेको आयोजक न्यू दर्पण युवा स्पोर्ट्स क्लवका अध्यक्ष प्रकाश केसीले बताए । प्रतियोगितामा प्रथमलाई नगद १ लाख ११ हजार १ सय ११ र दोश्रो हुनेलाई ५५ हजार ५ सय ५५ रुपैयाँ नगद पुरस्कारको ब्यवस्था गरिएको उपाध्यक्ष गोबिन्द खत्रीले बताए ।

प्रकाशित मिति: बिहीबार, फागुन १५, २०८१ २१:३८

प्रतिक्रिया दिनुहोस्