जानकीमा दोस्रो अध्यक्ष कपको उपाधि मानपुर स्पोर्ट्स क्लबले जित्यो

खेलकुद

गृहपृष्ठ
खेलकुद
जानकीमा दोस्रो अध्यक्ष कपको उपाधि मानपुर स्पोर्ट्स क्लबले जित्यो

जानकीमा दोस्रो अध्यक्ष कपको उपाधि मानपुर स्पोर्ट्स क्लबले जित्यो

शुक्रबार, फागुन १६, २०८१ बागेश्वरी पोस्ट

जानकी (बाँके) । दोस्रो अध्यक्ष कप प्रतियोगितामा मानपुर स्पोर्ट्स राइजिङ क्लबले उपाधि जितेको छ । जानकी गाउँपालिकामा सम्पन्न दोस्रो अध्यक्ष कप क्रिकेट प्रतियोगितामा मानपुर स्पोर्ट्स राइजिङ क्लबले जितेको हो ।

जानकी गाउँपालिका वडा नम्बर–३ मानपुरस्थित कन्या आधारभूत विद्यालयको खेल मैदानमा दोस्रो अध्यक्ष कप प्रतियोगिता फाल्गुन १४ गतेदेखि सुरु भई आज सम्पन्न भएको हो । जितसँगै मानपुर स्पोर्ट्सले ४० हजार पुरस्कार प्राप्त गरेको छ । दोस्रो हुने जोगागाउँ स्पोर्ट्स क्लबले २० हजार पुरस्कार प्राप्त गर्यो । गत वर्ष भएको पहिलो अध्यक्ष कप क्रिकेट प्रतियोगितामा पनि मानपुर स्पोर्ट्स राइजिङ क्लबले नै उपाधि जितेको भाइस क्याप्टेन विवेक कुमार यादवले बताए । यस पटकको दोस्रो अध्यक्ष कप क्रिकेट प्रतियोगितामा पनि विजेता भई पुरस्कार पाउँदा एकदमै उत्साहित भएको उनको भनाई छ । उनले ब्यवस्थित खेल मैदानका लागि गाउँपालिकालाई आग्रह समेत गरे ।

प्रतियोगिताको समापन कार्यक्रममा बोल्दै गाउँपालिका अध्यक्ष छब्बन खाँले कार्यपालिका वैठकबाट छलफल गरी खेलाडीहरुलाई पायक पर्ने गरी १ देखि ६ नम्वर वडाको बीचमा खेल मैदान बनाउने आश्वासन दिएका छन् । प्रतियोगिताको समापन कार्यक्रममा वडा नम्वर १ का वडा अध्यक्ष मो. रजा राई, वडा नम्बर ३ का अध्यक्ष राजकुमार कुर्मी, ४ का वडा अध्यक्ष रमेश कुमार बर्मा, ६ का वडा अध्यक्ष जगदिश प्रसाद हरिजन, सामाजिक विकास समितिका संयोजक राम आचल धोवी, कार्यपालिका सदस्य, वडा सदस्य, शिक्षा शाखाकी प्रमुख कृष्णा कुमारी भण्डारी, झुमी कुमारी वली, पालिकाका कर्मचारीहरु, विभिन्न राजनीतिक दलका प्रतिनिधिहरुका साथै स्थानीयहरुको समेत उपस्थिति रहेको थियो ।

प्रकाशित मिति: शुक्रबार, फागुन १६, २०८१ २१:३०

प्रतिक्रिया दिनुहोस्