मुख्यमन्त्री कोहलपुर गोल्डकपः घानालाई हराउँदै काँक्रेविहार सेमिफाइनलमा

खेलकुद

गृहपृष्ठ
खेलकुद
मुख्यमन्त्री कोहलपुर गोल्डकपः घानालाई हराउँदै काँक्रेविहार सेमिफाइनलमा

मुख्यमन्त्री कोहलपुर गोल्डकपः घानालाई हराउँदै काँक्रेविहार सेमिफाइनलमा

मंगलबार, फागुन २०, २०८१ बागेश्वरी पोस्ट

नेपालगञ्ज । मुख्यमन्त्री कोहलपुर गोल्डकपमा काँक्रेविहार फुटबल क्लब सेमिफाइनल प्रवेश गरेको छ । मंगलबार अफ्रिकन घाना फुटबल क्लबलाई पेनाल्टी सुटआउटमा हराउँदै काँक्रेविहार अन्तिम चारमा प्रवेश गरेको हो । काँक्रेविहारको जितसँगै सेमिफाइनलको समिकरण पूरा भएको छ ।

दोस्रो हाफको ५१औँ मिनेटमा काँक्रेबिहार फुटबल क्लब सुर्खेतका धनसिंह सुनारले पहिलो गोल गरेर टिमलाई अग्रता दिएका थिए । खेलको ५७औँ मिनेटमा अफ्रिकन घानाका युसुफ मलिक बम्देलले बराबरी गोल फर्काए । यस्तै खेलको ७९आँै मिनेटमा घानाका अकेन्टो ओपेमी पवेले खेललाई २–१ को अवस्थामा पुर्याए । ८४औं मिनेटमा काँक्रेबिहारका गणेश पुलामीले गोल गरेपछि खेल बराबरीको अवस्थामा पुगेको थियो । निर्धारित समयको खेलमा नतिजा आउन नसकेपछि पेनाल्टी सुटआउटमा घानालाई ५–४ ले हराउँदै काँक्रेबिहारले सेमिफाइनलको यात्रा तय गरेको हो ।

समूह ‘क’ बाट आयोजक कोहलपुर रेसिङ साहारा फुटबल क्लब बाँके र प्लानिङ व्वाइज युनाइटेड क्लब काठमाडौँ तथा समूह ‘ख’ बाट राइजिङ स्टार फुटबल क्लब नवलपरासी र अफ्रिकन घाना फुटबल क्लब सेमिफाइनल प्रवेश गरेका छन् ।
कोहलपुर रेसिङ साहारा फुटबल क्लब बाँकेको आयोजनामा फागुन १७ गतेदेखि प्रतियोगिता सुरु भएको हो । घाना र भारतीयसहित आठ वटा टिमको सहभागिता रहेको प्रतियोगितामा प्रथम हुने टिमले आठ लाख रुपैयाँ र द्वितीय हुने टिमले चार लाख रुपैयाँ पुरस्कार पाउनेछन् । प्रतियोगिता फागुन २४ गतेसम्म चल्नेछ ।

प्रकाशित मिति: मंगलबार, फागुन २०, २०८१ २०:२४

प्रतिक्रिया दिनुहोस्