मुख्यमन्त्री कोहलपुर गोल्डकपः राइजिङ स्टार फाइनल प्रवेश

खेलकुद

गृहपृष्ठ
खेलकुद
मुख्यमन्त्री कोहलपुर गोल्डकपः राइजिङ स्टार फाइनल प्रवेश

मुख्यमन्त्री कोहलपुर गोल्डकपः राइजिङ स्टार फाइनल प्रवेश

बिहीबार, फागुन २२, २०८१ बागेश्वरी पोस्ट

नेपालगञ्ज । मुख्यमन्त्री कोहलपुर गोल्डकपको सेमिफाइनल संस्करण पूरा भएको छ ।

आज काँक्रेविहार फुटबल क्लब सुर्खेत र राइजिङ स्टार फुटबल क्लब नवलपरासीबीच सम्पन्न खेल सकिएसँगै सेमिफाइनल संस्करण पूरा भएको हो । आज काँक्रेविहार फुटबल क्लब सुर्खेतलाई पेनाल्टी सुट आउटमा हराउँदै राइजिङ स्टार फुटबल क्लब नवलपरासी फाइनल प्रवेश गरेको छ ।

खेलको पहिलो हाफको १९औँ मिनेटमा राइजिङ स्टार फुटबल क्लब नवलपरासीका फाकुन्ले अवयोमी बोलसियुनले पहिलो गोल गरेर टिमलाई अग्रता दिलाएका थिए । खेलको ७८औँ मिनेटमा काँक्रेविहार फुटबल क्लब सुर्खेतका धनसिंह विकले बराबरी गोल फर्काए ।

निर्धारित समयमा १–१ को बराबरी भएपछि पेनाल्टी सुट आउटमा काँक्रेविहारलाई ५–४ ले पराजित गर्दै राइजिङ स्टार फुटबल क्लब फाइनल प्रवेश गरेको हो । यसअघि आयोजक कोहलपुर रेसिङ साहारा क्लब फाइनल प्रवेश गरिसकेको छ ।

खेलको म्यान द म्याच राइजिङ स्टार फुटबल क्लब नवलपरासीका फाकुन्ले अवयोमी बोलसियुन घोषित भए । उनले नगद पाँच हजार रुपैयाँ प्राप्त गरे । प्रतियोगिताको फाइनल फागुन २४ हुनेछ ।

कोहलपुर रेसिङ साहारा फुटबल क्लब बाँकेको आयोजनामा फागुन १७ गतेदेखि प्रतियोगिता सुरु भएको हो । घाना र भारतीयसहित आठ वटा टिमको सहभागिता रहेको प्रतियोगितामा प्रथम हुने टिमले आठ लाख रुपैयाँ र द्वितीय हुने टिमले चार लाख रुपैयाँ पुरस्कार पाउनेछन् ।

प्रकाशित मिति: बिहीबार, फागुन २२, २०८१ २१:२५