लुम्बिनी कप महिला फुटबल प्रतियोगिताः चैत १५ गते मैत्रीपूर्ण खेल हुने

खेलकुद

गृहपृष्ठ
खेलकुद
लुम्बिनी कप महिला फुटबल प्रतियोगिताः चैत १५ गते मैत्रीपूर्ण खेल हुने

लुम्बिनी कप महिला फुटबल प्रतियोगिताः चैत १५ गते मैत्रीपूर्ण खेल हुने

बिहीबार, चैत ७, २०८१ बागेश्वरी पोस्ट

नेपालगञ्ज । आगामी बैशाख ५ गतेदेखि नेपालगञ्ज रंगशालामा अन्तर्राष्ट्रिय आमन्त्रण लुम्बिनी कप महिला फुटबल प्रतियोगिता हुँदैछ । यसअघि फागुन १९ गतेदेखि हुने भनिएको उक्त प्रतियोगिताको मिति प्राविधिक कारणले पछि सार्नुपरेको हो ।

प्रतियोगितामा भारतका दुई र नेपालका ६ सहित आठ टीमको सहभागिता रहनेछ । सहभागी टीममा नेपाल र भारतका ख्यातीप्राप्त र चर्चित खेलाडीहरुको सहभागिता रहने जनाइएको छ । अन्तरालको आयोजना र बाँके जिल्ला फुटबल संघको सहकार्यमा प्रतियोगिता आयोजना गर्न लागिएको हो । प्रतियोगितालाई भव्य तथा सभ्यरुपमा सम्पन्न गर्न गठित विभिन्न समितिको काम जोडतोडका साथ भइरहेको आयोजक अन्तरालका प्रमुख कार्यकारी जयनारायण शाहले बताए ।

यसैबीच, प्रतियोगिताको पूर्व तयारीकै क्रममा महिला पत्रकार र महिला जनप्रतिनिधि बीच यही चैत १५ गते शुक्रवार साढे चार बजे मैत्रीपूर्ण फुटबल खेल हुने भएको छ । मैत्रीपूर्ण फुटबलका लागि नेपालगञ्ज उपमहानगरपालिकाका पूर्व उपमेयर उमा थापा मगरलाई संयोजक तोकिएको छ । उक्त मैत्रीपूर्ण खेलका लागि दुवै टीमतर्पm १८÷१८ जना खेलाडी छनोट गर्न सकिने मापदण्ड तोकिएको छ ।

प्रकाशित मिति: बिहीबार, चैत ७, २०८१ २०:२२

प्रतिक्रिया दिनुहोस्