६८औं राष्ट्रिय सहकारी दिवस नेपालगन्जमा भब्यताका साथ मनाइयो

अर्थ

गृहपृष्ठ
अर्थ
६८औं राष्ट्रिय सहकारी दिवस नेपालगन्जमा भब्यताका साथ मनाइयो

६८औं राष्ट्रिय सहकारी दिवस नेपालगन्जमा भब्यताका साथ मनाइयो

बुधबार, चैत २०, २०८१ बागेश्वरी पोस्ट

नेपालगन्ज । नेपालगन्जमा आज ६८औं राष्ट्रिय सहकारी दिवस भब्यताका साथ मनाइएको छ । राष्ट्रिय सहकारी दिवस मूल समाराेह समिति बाँके र नेपालगन्ज उपमहानगरपालिकाकाे संयुक्त आयाेजनामा प्रभातफेरिसंगै एक औपचारिक कार्यक्रम सम्पन्न भएको छ ।

धम्बोझी चोकबाट सुरु भएको प्रभातफेरि वडा प्रहरी कार्यालय नजिकै रहेको डिएसपी रोडस्थित म्याजेस्टिक पार्टी प्यालेसमा पुगेर सभामा परिणत भएको थियो । जिल्ला बचत संघ बाँकेका अध्यक्ष प्रेम बहादुर शाहको अध्यक्षता एवम् नेपालगन्ज उपमहानगरपालिकाका प्रमुख प्रशान्त विष्टको प्रमुख आतिथ्यतामा कार्यक्रम सम्पन्न भएको थियो । नगर प्रमुख विष्टले सहकारी आर्थिक उन्नतिको सशक्त माध्यम रहेको बताए । उनले केही खराब सहाकारीका कारण समग्र सहकारी क्षेत्रलाई असर परिरहेकोले जनविश्वास बढाएर काम गर्नुपर्ने आवश्यकता औंल्याए ।

जिल्ला सहकारी संघ बाँकेका प्रबन्ध संचालक नवराज उपाध्यायको स्वागत मन्तव्यबाट सुरु भएको कार्यक्रममा नेपालगन्ज-२० स्थित शुद्ध गाेरस दुग्ध उत्पादक सहकारी संस्था लिमिटेडलाई सम्मानपत्र, दाेसल्ला रु. २५००० पुरस्कारसहित नगर प्रमुख विष्टले सम्मान गरेका थिए । त्यस अवसरमा करीब १००० जनाको सहभागिता रहेको थियो । नेपालगन्ज उपमहानगरपालिका सहकारी शाखा प्रमुख प्रविन कुमार रानाले संचालन गरेको कार्यक्रममा आर्थिक विकास समिति संयोजक गोपाल पुनले शुभकामना मन्तव्य व्यक्त गरेका थिए ।

प्रकाशित मिति: बुधबार, चैत २०, २०८१ २२:०८