लुम्बिनी कप अन्तर्राष्ट्रिय आमन्त्रण महिला फुटबलको 'टि-शर्ट' सार्वजनिक

खेलकुद

गृहपृष्ठ
खेलकुद
लुम्बिनी कप अन्तर्राष्ट्रिय आमन्त्रण महिला फुटबलको 'टि-शर्ट' सार्वजनिक

लुम्बिनी कप अन्तर्राष्ट्रिय आमन्त्रण महिला फुटबलको 'टि-शर्ट' सार्वजनिक

शनिबार, चैत २३, २०८१ बागेश्वरी पोस्ट

नेपालगञ्ज । लुम्बिनी कप अन्तर्राष्ट्रिय आमन्त्रण महिला फुटबलको आधिकारिक ‘टि-शर्ट’ आज नेपालगञ्जमा सार्वजनिक गरिएको छ ।

अन्तरालको आयोजना र बाँके जिल्ला फुटबल संघको सहकार्यमा आगामी बैशाख ५ गतेदेखि नेपालगञ्जमा लुम्बिनी कप अन्तर्राष्ट्रिय आमन्त्रण महिला फुटबल प्रतियोगिता हुँदैछ । प्रतियोगितामा भारत र नेपालका गरी आठ टीमको सहभागिता रहने जनाइएको छ ।

नेपालगञ्जमा आज आयोजित कार्यक्रममा प्रमुख अतिथि लुम्बिनी प्रदेश सरकारका आन्तरिक मामिला तथा कानुन मन्त्री आदेश कुमार अग्रवालले टि-शर्ट सार्वजनिक गरेका हुन् । कार्यक्रममा मन्त्री अग्रवाललाई अन्तरालका प्रमुख कार्यकारी जयनारायण शाहले सार्वजनिक गरिएको टि-शर्ट प्रदान गरेका थिए ।

त्यस अवसरमा मन्त्री अग्रवालले नेपालगञ्जमा आयोजना हुने लुम्बिनी कप महिला फुटबलले खेलाडीको सहभागिता बढाउन ठूलो सघाउ पुर्याउने विश्वास व्यक्त गरे । फुटबल लगायत समग्र खेलकुदको विकासका लागि आफ्नो तहबाट आवश्यक पहल गर्ने प्रतिवद्धता समेत जनाउदै मन्त्री अग्रवालले भने, ‘मैले एक्लैले गरेर मात्र हुँदैन, यसमा सबैको सामूहिक प्रयास हुनुपर्छ ।’

कार्यक्रममा नेपाल पत्रकार महासंघ लुम्बिनी प्रदेश अध्यक्ष शुक्रऋषि चौलागाई, बाँके जिल्ला अध्यक्ष नवीन गिरी, बाँके जिल्ला फुटबल संघका अध्यक्ष भोजराज शाही, साविक मध्यपश्चिम क्षेत्रीय खेलकुद विकास समितिका प्रमुख महेश चन्द र नेपालगञ्जका पूर्व उपमेयर उमा थापा मगरले लुम्बिनी कप महिला फुटबल प्रतियोगिता सफल बनाउन सबै पक्षवाट सक्दो सहयोग हुनु जरुरी रहेको बताए ।

अन्तरालका प्रमुख कार्यकारी शाहको अध्यक्षतामा भएको टि-शर्ट सार्वजनिक कार्यक्रममा फुटबल प्रशिक्षक, खेल पदाधिकारी, पत्रकार, कानुन व्यवसायी लगायत नेपालगञ्जका लव्ध प्रतिष्ठित व्यक्तिहरुको सहभागिता रहेको थियो ।

प्रकाशित मिति: शनिबार, चैत २३, २०८१ २१:१४

प्रतिक्रिया दिनुहोस्