पूर्व खेलाडी समाज बाँकेले ब्याडमिन्टन र भलिबल प्रतियोगिता गर्दै

खेलकुद

गृहपृष्ठ
खेलकुद
पूर्व खेलाडी समाज बाँकेले ब्याडमिन्टन र भलिबल प्रतियोगिता गर्दै

पूर्व खेलाडी समाज बाँकेले ब्याडमिन्टन र भलिबल प्रतियोगिता गर्दै

शुक्रबार, जेठ २, २०८२ बागेश्वरी पोस्ट

नेपालगन्ज । पूर्व खेलाडी समाज बाँकेले ब्याडमिन्टन र भलिबल प्रतियोगिता गर्ने भएको छ । समाजले आज नेपालगन्जमा पत्रकार सम्मेलनको आयोजना गरी अण्डर-१५ व्वाइज सिंगल र मेन्स डबल बी लेबल ब्याडमिन्टन प्रतियोगिता तथा विद्यालय स्तरीय महिला एवं पुरुष भलिवल प्रतियोगिता गर्ने जानकारी दिएको हो ।

नेपालगन्ज उपमहानगरपालिकाको सहयोगमा नेपालगन्ज रंगशालास्थित कबर्ड हलमा जेष्ठ ९ र १० गते ब्याडमिन्टन तथा जेष्ठ १६ देखि १८ गतेसम्म भलिबल प्रतियोगिता हुनेछ । प्रतियोगिता संचालन गर्न ब्याडमिन्टनमा ३ लाख ५० हजार तथा भलिबल खेलमा ४ लाख ५० हजार गरी करिब ८ लाख रुपैयाँ लाग्ने अनुमान गरिएको छ ।

ब्याडमिन्टन अण्डर-१५ मा प्रथम, द्वितीय र तृतीय हुनेलाई क्रमशः १० हजार, ५ हजार र दुई हजार पाँच सय तथा मेन्स डबल्समा प्रथम, द्वितीय र तृतीय हुनेलाई क्रमशः २० हजार, १० हजार र ५ हजार नगद पुरस्कार प्रदान गरिनेछ । त्यस्तै भलिबलमा महिला तथा पुरुषतर्फ प्रथम, द्वितीय र तृतीय हुने टीमलाई क्रमशः २० हजार, १५ हजार र १० हजार नगद पुरस्कार प्रदान गरिनेछ । बिजयी खेलाडीहरुलाई नगद पुरस्कारका साथै प्रमाणपत्र, पदक, कप र ट्रफी समेत प्रदान गरिनेछ । नक आउट प्रणालीमा खेलाइने प्रतियोगितामा भलिबलतर्फ महिला र पुरुष गरी २५ वटा टीम तथा व्याडमिन्टनतर्फ ७५ जना खेलाडीको सहभागिता रहने बताइएको छ ।

निःशुल्क प्रवेश रहेको प्रतियोगिता सभ्य र भव्यरुपमा संचालन गर्नका लागि प्रतियोगिता संचालन समिति, निर्णायक समिति, मञ्च व्यवस्थापन समिति लगायतका विभिन्न समितिहरु समेत गठन गरिने पूर्व खेलाडी समाज बाँकेका कार्यवाहक अध्यक्ष निजामुद्दिन सिद्दिकीले बताए ।

प्रकाशित मिति: शुक्रबार, जेठ २, २०८२ १७:२१

प्रतिक्रिया दिनुहोस्