नेपालगञ्जमा प्रथम नगर स्तरीय मेयर कप ब्याडमिन्टन प्रतियोगिता सुरु

खेलकुद

गृहपृष्ठ
खेलकुद
नेपालगञ्जमा प्रथम नगर स्तरीय मेयर कप ब्याडमिन्टन प्रतियोगिता सुरु

नेपालगञ्जमा प्रथम नगर स्तरीय मेयर कप ब्याडमिन्टन प्रतियोगिता सुरु

शुक्रबार, जेठ ९, २०८२ बागेश्वरी पोस्ट

नेपालगञ्ज । नेपालगञ्जमा आजदेखि प्रथम नगर स्तरीय मेयर कप ब्याडमिन्टन प्रतियोगिता सुरु भएको छ । पूर्व खेलाडी समाज बाँकेको आयोजना र नेपालगञ्ज उपमहानगरपालिकाको सहयोगमा सुरु भएको ब्याडमिन्टन प्रतियोगिताको नगर प्रमुख प्रशान्त विष्टले उद्घाटन गरेका छन् ।

प्रतियोगिता उद्घाटन गर्दै विष्टले नेपालगञ्ज खेलाडीहरुको उर्बर भूमि भएको बताए । नयाँ खेलाडी उत्पादनका लागि पूर्व खेलाडी समाजको कदम सराहनीय रहेको भन्दै उनले प्रतियोगितालाई निरन्तररुपमा सहयोग गर्ने प्रतिबद्धता समेत ब्यक्त गरे । खेलाडी उत्पादन गर्ने प्रमुख थलो बिद्यालय भएकोले विद्यालय स्तरबाटै खेलकुदमा लगानी लगाउन आफ्नो पालिकाले प्रयास गरिरहेको उनको भनाई छ । पूर्व खेलाडी समाज बाँकेका कार्यवाहक अध्यक्ष निजामुद्दिन सिद्दिकीको सभापतित्वमा उद्घाटन कार्यक्रम सम्पन्न भएको थियो ।

May be an image of 8 people, dais and text

समाजका कार्यबाहक अध्यक्ष सिद्दिकीले खेलकुदमा योगदान दिएका पूर्व खेलाडीलाई एकीकृत गर्दै खेल क्षेत्रको सम्बर्द्धन र बिकास गर्ने उद्देश्यले गत बर्ष पौषमा पूर्व खेलाडी समाज बाँके गठन गरिएको जानकारी दिए । उनले आगामी दिनमा समाजलाई थप क्रियाशिल बनाउँदै लैजाने प्रतिबद्धता समेत जनाए । उपाध्यक्ष शान्ति सिंहले स्वागत मन्तब्य ब्यक्त गरेको कार्यक्रमको सञ्चालन महासचिव जयन्त कुमार शर्माले गरेका थिए ।

उद्घाटन समारोहमा सशस्त्र प्रहरी उपरीक्षक दिपक चन्द, क्षेत्रीय खेलकुद बिकास समिति नेपालगञ्जका प्रमुख महेश चन्द, नेपाल पत्रकार महासंघ बाँकेका अध्यक्ष नवीन गिरी, प्रथम नेपाली महिला ओलम्पियन पार्बती थापा, नेपालगञ्ज उद्योग बाणिज्य संघका महासचिव भीम रानाभाट, अग्रज खेलकर्मी लगायतको उपस्थिति रहेको थियो ।

May be an image of 10 people, crowd and text that says 'TOURNAMENT ਸিনি ၃၀၀၃ सার หหยี่ বলার स्थान 電积 नेपालगन्ज रमशाला प्रथम नगरस्तरीय मेयर कप ल्याडमिन्टन प्रतियोगिता-श શ०८શ प्रशम नगर मा.वि. स्तरीय मेयर कप महिला/ पुरुष भलिवल प्रतियोगिता શ०શ सहयोग राष्ट्रय खेलकद पारषद नेपालगज उप- उप-महानगरपालिका Ma आयोजक पर्व खेलाडी समाज बाॉके'

पूर्व खेलाडी समाजले नेपालगञ्ज रंगशालास्थित कभर्ड हलमा अण्डर-१५ व्वाइज सिङ्गल र मेन्स डबल बी लेबल ब्याडमिन्टन प्रतियोगिता आयोजना गरेको हो । प्रतियोगितामा ब्वाइज अण्डर-१५ इभेन्टतर्फ ३७ जना र मेन्स डबल्सतर्फ ३२ वटा टिमको सहभागिता रहेको प्राबिधिक प्रमुख जयन्त कुमार श्रेष्ठले जानकारी दिए । उनले आज बेलुकासम्म क्वार्टर फाइनलका सम्पूर्ण खेलहरु सम्पन्न हुने तथा सेमिफाइनल र फाइनल खेल भोलि हुने बताए ।

May be an image of 12 people, people playing football, people playing basketball and text that says '主龍 ਰ Spotify Sp potify መመለ'

ब्याडमिन्टन अण्डर-१५ मा प्रथम, द्वितीय र तृतीय हुनेलाई क्रमशः १० हजार, ५ हजार र दुई हजार पाँच सय तथा मेन्स डबल्समा प्रथम, द्वितीय र तृतीय हुनेलाई क्रमशः २० हजार, १० हजार र ५ हजार नगद पुरस्कार प्रदान गरिने महासचिव शर्माले जानकारी दिए ।

समाजले जेठ १६ देखि १८ गतेसम्म विद्यालय स्तरीय महिला एवं पुरुष भलिबल प्रतियोगिता पनि आयोजना गर्दैछ । भलिबलमा महिला तथा पुरुषतर्फ प्रथम, द्वितीय र तृतीय हुने टिमलाई क्रमशः २० हजार, १५ हजार र १० हजार नगद पुरस्कार प्रदान गरिनेछ । विजयी खेलाडीहरूलाई नगद पुरस्कारका साथै प्रमाणपत्र, पदक, कप र ट्रफी समेत प्रदान गरिनेछ ।

प्रकाशित मिति: शुक्रबार, जेठ ९, २०८२ १३:५९