नेपालगञ्ज न्यूरोडमा 'गौतम बुद्ध ब्याडमिन्टन कोर्ट तथा ट्रेनिङ सेन्टर' सञ्चालन

खेलकुद

गृहपृष्ठ
खेलकुद
नेपालगञ्ज न्यूरोडमा 'गौतम बुद्ध ब्याडमिन्टन कोर्ट तथा ट्रेनिङ सेन्टर' सञ्चालन

नेपालगञ्ज न्यूरोडमा 'गौतम बुद्ध ब्याडमिन्टन कोर्ट तथा ट्रेनिङ सेन्टर' सञ्चालन

खुला वडा स्तरीय ब्याडमिन्टन प्रतियोगिताको उपाधि लोकेशलाई

शनिबार, असार २१, २०८२ बागेश्वरी पोस्ट

नेपालगञ्ज । नेपालगञ्ज न्यूरोडमा गौतम बुद्ध ब्याडमिन्टन कोर्ट तथा ट्रेनिङ सेन्टर सञ्चालनमा आएको छ । नेपालगञ्ज उपमहानगरपालिका वडा नम्बर ४ ले न्यूरोड नमस्ते टोलमा ब्याडमिन्टन कोर्ट तथा ट्रेनिङ सेन्टर सञ्चालनमा ल्याएको हो ।

ब्याडमिन्टन कोर्ट तथा ट्रेनिङ सेन्टरको नगर प्रमुख प्रशान्त विष्टले उद्घाटन गरेका हुन् । नगर प्रमुख विष्टले ब्याडमिन्टन खेल प्रबद्र्धन तथा स्वस्थताका लागि वडाले सञ्चालनको ल्याएको ब्याडमिन्टन कोर्ट तथा ट्रेनिङ सेन्टर उपयोगी र लाभदायक हुने बताए । उनले कोर्टको स्तरोन्नतिका लागि नेपालगञ्ज उपमहानगरपालिकाले सहयोग गर्ने उद्घोष समेत गरे ।

वडा नम्बर ४ का वडा अध्यक्ष गोपाल पुनले यो वडा नम्बर ४ को गौरबको आयोजना भएको बताए । उनले करीब ३० लाख लागतमा ब्याडमिन्टन कोर्ट तथा ट्रेनिङ सेन्टर निर्माण सम्पन्न भएको जानकारी दिए । उनका अनुसार स्थानीय सरकारले सञ्चालनमा ल्याएको यो दोस्रो ब्याडमिन्टन कोर्ट तथा ट्रेनिङ सेन्टर हो । यसअघि वडा नम्बर १ वाटरपार्कमा पनि ब्याडमिन्टन कोर्ट तथा ट्रेनिङ सेन्टर निर्माण भई सञ्चालनमा आइसकेको छ ।

यसैबीच वडा कार्यालयको आयोजनामा वडा स्तरीय खुला ब्याडमिन्टन प्रतियोगिताका विजयी खेलाडीलाई नगर प्रमुख विष्ट, प्रमुख प्रशासकीय अधिकृत रामहरि शर्मा, वडा अध्यक्ष पुन लगायतले शिल्ड र ट्रफी प्रदान गरेका थिए । प्रतियोगितामा लोकेश चौधरी प्रथम, आर्यन राना द्वितीय तथा अभय राजवंशी र संस्कार केसी तृतीय भएका छन् । यसैगरी उदियमान सर्वोत्कृष्ट खेलाडीको पुरस्कार दिवस मल्ल र सुयोग्य श्रेष्ठलाई प्रदान गरिएको छ ।

कार्यक्रममा कार्यपालिका सदस्यहरु बसन्त कनोजिया, मोहम्मद मुजम्मिल हुसेन हलवाई, शिक्षा महाशाखा प्रमुख गोर्ख बहादुर थापा, नेपाल पत्रकार महासंघ बाँकेका अध्यक्ष नवीन गिरी लगायतको उपस्थिति थियो । वडा सदस्य रुमिता श्रेष्ठले स्वागत मन्तब्य ब्यक्त गरेको कार्यक्रमको सञ्चालन वडा सचिव सुरेश पुनले गरेका थिए । प्रतियोगितामा प्राविधिक सहयोग ब्याडमिन्टन प्रशिक्षक अनिल लाखेले गरेका थिए । ब्यवस्थापनमा बाँके जिल्ला ब्याडमिन्टन संघले सहयोग गरेको थियो ।

May be an image of 4 people and text that says 'गादयमा নना सनत परीयखुला चरीय खूला गकर मारगि मনकর पटन क न्यूराऊ 200 KFN FN'