नेपालगञ्जमा यु–१४ छात्र–छात्रा फुटबल प्रतियोगिता हुँदै

खेलकुद

गृहपृष्ठ
खेलकुद
नेपालगञ्जमा यु–१४ छात्र–छात्रा फुटबल प्रतियोगिता हुँदै

नेपालगञ्जमा यु–१४ छात्र–छात्रा फुटबल प्रतियोगिता हुँदै

मंगलबार, भदौ १७, २०८२ बागेश्वरी पोस्ट

नेपालगञ्ज । बाँके जिल्ला फुटबल संघको आयोजनामा आगामी शनिबारदेखि यु-१४ छात्र-छात्रा अन्तर विद्यालय फुटबल प्रतियोगिता हुने भएको छ । प्रतियोगितामा बाँकेमा रहेका संस्थागत र सामुदायिक विद्यालयहरुको सहभागिता रहनेछ । प्रतियोगिता नेपालगञ्ज रंगशालामा हुनेछ ।

विद्यालय स्तरबाट खेलाडी उत्पादन गर्ने उद्देश्यसहित प्रतियोगिता आयोजना गर्न लागेको बाँके जिल्ला फुटबल संघका अध्यक्ष एवम् अखिल नेपाल फुटबल संघका केन्द्रीय सदस्य भोजराज शाहीले बताए । उनले भने, ‘फुटबललाई बलियो बनाउने आधार नै ग्रासरुट हो । विद्यालय स्तरबाटै जुनियर फुटबल प्रतियोगिताले नयाँ प्रतिभावान खेलाडी उत्पादन गर्न सहयोग गर्छ । नव प्रतिभावान खेलाडीहरुको लागि यो प्रतियोगिता आयोजना गरेका हौं ।’

प्रतियोगितामा सहभागिताको लागि अध्यक्ष शाहीले बाँके जिल्लाका सम्पूर्ण विद्यालयहरुलाई अनुरोध गरेका छन् । आयोजक बाँके जिल्ला फुटबल संघका अनुसार सहभागी हुने विद्यालयको खेलाडीको जन्म मिति २०६८ पौष १७ गते वा सो भन्दा पछि हुनुपर्नेछ ।

प्रकाशित मिति: मंगलबार, भदौ १७, २०८२ २०:४५

प्रतिक्रिया दिनुहोस्