यु–१४ छात्र–छात्रा फुटबलमा खजुराको इन्टिग्रेटेड एकेडेमीको विजयी सुरुवात

खेलकुद

गृहपृष्ठ
खेलकुद
यु–१४ छात्र–छात्रा फुटबलमा खजुराको इन्टिग्रेटेड एकेडेमीको विजयी सुरुवात

यु–१४ छात्र–छात्रा फुटबलमा खजुराको इन्टिग्रेटेड एकेडेमीको विजयी सुरुवात

शनिबार, भदौ २१, २०८२ बागेश्वरी पोस्ट

नेपालगञ्ज । खजुरा सैनिकको इन्टिग्रेटेड एकेडेमीले बाँके जिल्ला स्तरीय यु–१४ छात्र–छात्रा अन्तर विद्यालय फुटबल प्रतियोगितामा विजयी सुरुवात गरेको छ । नेपालगञ्ज रंगशालामा भएको छात्रतर्फको खेलमा इन्टिग्रेटेड एकेडेमीले नेपालगञ्जको वेस्टजोन माविलाई ४–० ले पराजित गरेको छ । खेलमा कप्तान निशान थापाले २ गोल, समर गुरुङ र निश्चल सुवालले १–१ गोल गरे ।

यसैगरी नेपालगञ्ज मोडेल एकेडेमी र सिद्धार्थ विद्या सदन बीचको खेल प्राविधिक कारणले पहिलो हाफ सकिएपछि रोकिएको थियो । पहिलो हाफमा सिद्धार्थले १–० ले अग्रता लिएको छ । सिद्धार्थ र नेपालगञ्ज मोडेल एकेडेमी बीचको दोस्रो हाफ आइतबार खेलाउने आयोजकले जनाएको छ ।

बाँके जिल्ला फुटबल संघले आयोजना गरेको प्रतियोगितामा छात्रतर्फ बाँकेका १७ विद्यालयले सहभागिता जनाएका छन् ।प्रतियोगिताको विजेता टिमले लुम्बिनी प्रदेश स्तरीय एन्फा यु–१४ फुटबल प्रतियोगितामा बाँकेको प्रतिनिधित्व गर्नेछ ।शनिबार एक समारोहका बीच जयमंगलम् सिमेन्ट प्रालिका प्रबन्ध निर्देशक सञ्जय अग्रवालले प्रतियोगिताको उद्घाटन गरेका थिए । जय मंगलम् सिमेन्ट पहिलो नेपालगञ्ज गोल्ड कप फुटबलको मुख्य प्रायोजक हो ।

बाँके जिल्ला फुटबल संघका अध्यक्ष एवम् अखिल नेपाल फुटबल संघका केन्द्रीय सदस्य भोजराज शाहीको अध्यक्षतामा सम्पन्न भएको उद्घाटन समारोहमा लुम्बिनी प्रदेश खेलकुद विकास परिषदका सदस्य जनक केसी, लुम्बिनी प्रदेश फुटबल संघका निवर्तमान उपाध्यक्ष सुर्यमणि अधिकारी, महिला फुटबल समिति बाँके एवम् प्रतियोगिता संयोजक नितु चन्द शाह, साविक मध्यपश्चिम क्षेत्रीय खेलकुद विकास समिति नेपालगञ्जका कार्यालय प्रमुख महेश चन्द, बाँके जिल्ला खेलकुद विकास समितिका कार्यालय प्रमुख सन्तोष श्रेष्ठ, नेपाल पत्रकार महासंघ बाँकेका पूर्व अध्यक्ष निरज गौतम लगायतको सहभागिता रहेको थियो ।

प्रकाशित मिति: शनिबार, भदौ २१, २०८२ २०:४९

प्रतिक्रिया दिनुहोस्