'संविधान दिवसः ब्यवसायिक चुनौती र अबको बाटो' विषयक कार्यक्रम सम्पन्न

अर्थ

गृहपृष्ठ
अर्थ
'संविधान दिवसः ब्यवसायिक चुनौती र अबको बाटो' विषयक कार्यक्रम सम्पन्न

'संविधान दिवसः ब्यवसायिक चुनौती र अबको बाटो' विषयक कार्यक्रम सम्पन्न

शुक्रबार, असोज ३, २०८२ बागेश्वरी पोस्ट

नेपालगञ्ज । 'संविधान दिवसः ब्यवसायिक चुनौती र अबको बाटो' विषयक परिचर्चा एवं शुभकामना आदानप्रदान कार्यक्रम नेपालगञ्जमा सम्पन्न भएको छ । संविधान दिवसको अवसरमा होटल ब्यवसायी संघ बाँकेले उक्त कार्यक्रमको आयोजना गरेको हो ।

संघका अध्यक्ष भिमलाल कँडेलको सभापतित्वमा सम्पन्न कार्यक्रममा बाँकेका प्रमुख जिल्ला अधिकारी धर्मराज जोशी, खाद्य प्रविधि तथा गुण नियन्त्रण कार्यालय नेपालगञ्जका प्रमुख प्रशान्त पोख्रेल, नेपालगञ्ज उद्योग वाणिज्य संघका अध्यक्ष टंक बहादुर धामी, होटल ब्यवसायी संघका निवर्तमान अध्यक्ष रंगबहादुर खड्का, नेपाल पत्रकार महासंघ बाँकेका अध्यक्ष नवीन गिरी, हान बाँकेका उपाध्यक्ष केशव न्यौपाने, नाट्टा बाँके च्याप्टर अध्यक्ष डिल्लीराज रेग्मी, मदिरा ब्यवसायी संघ बाँकेका अध्यक्ष मीनबहादुर सिंह ठकुरी लगायतले बोलेका थिए ।

कार्यक्रममा बोल्ने बक्ताहरुले पर्यटन प्रबद्र्धन, रोजगारी सिर्जना, राजश्व अभिबृद्धिमा होटलहरुले खेलेको भूमिका उल्लेखनीय भएको भन्दै होटल ब्यवसायीहरुका कठिनाई र समस्या समाधानका लागि सबै पक्ष गम्भीर बन्नुपर्नेमा जोड दिएका थिए । होटल ब्यवसायीहरुले ब्यवसायिकमैत्री वातावरण निर्माणका लागि आग्रह गरेका थिए । खाद्य स्वच्छता कायम गर्न तथा सरसफाईमा गम्भीर बन्नुपर्ने आवश्यकतामा समेत जोड दिइएको छ । प्रमुख जिल्ला अधिकारी जोशीले निर्वाधरुपमा होटल ब्यवसाय सञ्चालनका लागि शान्ति सुब्यवस्था कायम गर्न प्रतिबद्ध रहेको बताए ।

कार्यक्रममा संघका उपाध्यक्ष विष्णुप्रसाद पोख्रेलले स्वागत मन्तब्य ब्यक्त गरेका थिए भने सञ्चालन महासचिव प्रेम प्रसाद शाहले गरेका थिए ।

प्रकाशित मिति: शुक्रबार, असोज ३, २०८२ २१:१५

प्रतिक्रिया दिनुहोस्