नेशनल स्विमिङ च्याम्पियनसीपको पूर्व सन्ध्यामा पौडी प्रशिक्षक तयार गरिँदै

खेलकुद

गृहपृष्ठ
खेलकुद
नेशनल स्विमिङ च्याम्पियनसीपको पूर्व सन्ध्यामा पौडी प्रशिक्षक तयार गरिँदै

नेशनल स्विमिङ च्याम्पियनसीपको पूर्व सन्ध्यामा पौडी प्रशिक्षक तयार गरिँदै

बुधबार, कात्तिक १२, २०८२ बागेश्वरी पोस्ट

नेपालगञ्ज । बाँकेमा पौडी प्रशिक्षक तयार गरिँदैछ । यही कार्तिक १४ र १५ गते नेपालगञ्ज रंगशाला परिसरको पौडी पोखरीमा आयोजना हुने दोस्रो नेपालगञ्ज नेशनल स्विमिङ च्याम्पियनसीपको पूर्व सन्ध्यामा २५ जना पौडी प्रशिक्षक तयार गर्न प्रशिक्षण दिन सुरु गरिएको छ । नेपालगञ्ज स्विमिङ क्लबले प्रशिक्षक तयार गर्दैछ ।

नेपाल पौडी संघका प्राविधिक प्रतिनिधि विष्णु खड्का, अनिष महर्जन र दीपक सागर सिंह सहितको टोलीले बुधबारदेखि दुई दिने प्रशिक्षण दिने सुरु गरेको क्लबका अध्यक्ष केशब न्यौपानेले बताए । प्रशिक्षक खड्काले दुई दिने प्रशिक्षणमा सहभागीहरु मध्येबाटै लिखित परीक्षामार्फत प्रशिक्षण छनौट गरिने बताए । खड्काले बुधबार नै बाँकेका पत्रकारलाई पनि पौडी खेलबारे संक्षिप्त अभिमुखीकरण गरेका थिए । जसबाट पत्रकारलाई पौडी खेलको समाचार लेखनमा सहजता हुने विश्वास लिइएको छ ।

कार्यक्रममा क्लबका बरिष्ठ उपाध्यक्ष सूर्यमणि अधिकारी, उपाध्यक्ष डा. नितेश कुमार कनोडियाले प्रतियोगिताको तयारी र प्रशिक्षण कर्यक्रमबारे जानकारी दिएका थिए । प्रतियोगितामा ८, १०, १२, १४, १७ मुनी र खुला समूह गरी विभिन्न उमेरका खेलाडीबीच २५ मिटरदेखि ४०० मिटरको दूरीमा ५६ वटा इभेन्ट्समा प्रतिष्पर्धा हुनेछ । प्रतियोगितामा देशभरका दुई सय भन्दा बढी खेलाडी सहभागी हुने आयोजकले जनाएको छ ।

May be an image of text that says 'NEPAL SWIMMING ASSOCIATION NATIONAL TECHNICAL OFFICIAL'S CLINIC CLINIC2025 2025 Date: 2025October 29-30(Nepalgunj, we:21250xraher29-30eplguy.Ban 9-30 Banke) Co-organized By unbini Province Swimmin palgunj Swimming Club SIDDH SIDDHARTHA'