होलिल्याण्डको गल्र्स टिम फाइनलमा प्रवेश

खेलकुद

गृहपृष्ठ
खेलकुद
होलिल्याण्डको गल्र्स टिम फाइनलमा प्रवेश

होलिल्याण्डको गल्र्स टिम फाइनलमा प्रवेश

आइतबार, कात्तिक २३, २०८२ बागेश्वरी पोस्ट

नेपालगञ्ज । होलिल्याण्डको छात्रा टिम यु–१४ फुटबल प्रतियोगिताको फाइनलमा प्रवेश गरेको छ । नेपालगञ्जमा आइतबार भएको खेलमा होलिल्याण्डले मनकामना हाइस्कुल नेपालगञ्जलाई पेनाल्टी सुटआउटमा ३–२ ले पराजित गरेको छ । निर्धारित समयको खेल गोलरहित बराबरीमा सकिएको थियो ।

पेनाल्टी सुटआउटमा होलिल्याण्डको तर्फबाट शुभद्रा सुनार, ईश्वरी धामी, स्वतिष्का यादवले गोल गरे । मनकामनाको तर्फबाट अनुष्का तिमिल्सिना र हिमानी घिमिरेले गोल गरेका थिए । यसैगरी छात्रातर्फको अर्को खेलमा नेपालगञ्ज सेन्ट जेभियर्स स्कुलले नेपालगञ्ज मोडेल एकेडेमीलाई पेनाल्टी सुटआउटमा २–१ ले हराउँदै प्रतियोगिताको सेमिफाइनलमा प्रवेश गरेको छ । सेमिफाइनलमा सेन्ट जेभिर्यसले वेष्टजोन माविसँग प्रतिष्पर्धा गर्नेछ ।

नेपालगञ्ज सेन्ट जेभियर्स र नेपालगञ्ज मोडेल एकेडेमीबीचको खेल निर्धारित समयमा गोलरहित बराबरीमा सकिएको थियो । पेनाल्टी सुटआउटमा नेपालगञ्ज सेन्ट जेभियर्सकी करिष्मा पासी र मनिषा बोगटीले गोल गरे । नेपालगञ्ज मोडेलको तर्फबाट भावना खड्काले मात्र गोल गर्न सकिन् ।
यसैगरी छात्रतर्फको खेलमा कोहलपुर बागेश्वरी इङलिस मिडियम स्कुलले बालज्योती एकेडेमी कोहलपुरलाई ३–० ले हराउँदै प्रतियोगिताको सेमिफाइनलमा प्रवेश गरेको छ । सेमिफाइनलमा कोहलपुर बागेश्वरीले युनाइटेड एजुकेशनल एकेडेमीसँग खेल्नेछ । आइतबार कोहलपुर बागेश्वरीलाई जित दिलाउन हेमन्त सिंह धामीले १३औं मिनेट, सोहन जैसीले २४औं मिनेट, रोहित खड्काले २८औं मिनेटमा गोल गरेका थिए ।

बाँके जिल्ला फुटबल संघको आयोजनामा भइरहेको प्रतियोगितालाई लुम्बिनी प्रदेश स्तरीय यु–१४ छनोट खेलका रुपमा लिइएको छ । उत्कृष्ट प्रदर्शन गर्ने खेलाडीहरुले प्रदेश स्तरीय प्रतियोगितामा बाँकेको प्रतिनिधित्व गर्ने अवसर पाउनेछन् ।

प्रकाशित मिति: आइतबार, कात्तिक २३, २०८२ २०:१४

प्रतिक्रिया दिनुहोस्