नेपालगन्जमा शनिबार 'जिल्ला स्तरीय नेपालगन्ज पम्प ट्रयाक च्यालेन्ज' हुँदै

खेलकुद

गृहपृष्ठ
खेलकुद
नेपालगन्जमा शनिबार 'जिल्ला स्तरीय नेपालगन्ज पम्प ट्रयाक च्यालेन्ज' हुँदै

नेपालगन्जमा शनिबार 'जिल्ला स्तरीय नेपालगन्ज पम्प ट्रयाक च्यालेन्ज' हुँदै

शुक्रबार, मंसिर १२, २०८२ बागेश्वरी पोस्ट

नेपालगन्ज । नेपालगन्जमा 'जिल्ला स्तरीय नेपालगन्ज पम्प ट्रयाक च्यालेन्ज-२०२५' हुने भएको छ । भोलि मंसिर १३ गते शनिबार हुने प्रतियोगिताको तयारी पूरा भएको कार्यक्रम संयोजक गगन थापाले बताउनुभयो । आज आयोजित पत्रकार सम्मेलनमा थापाले यस वर्ष बाँके जिल्लाका साइकलिष्टहरूले देउसी-भैलो खेलेर संकलन गरेको रकमबाट प्रतियोगिता आयोजना गर्न लागिएको जानकारी दिनुभयो ।

नेपालगन्ज वडा नम्बर १ तेजनगरमा अवस्थित भेलोसोलुसन नेपालगंज पम्प ट्रयाकमा प्रतियोगिता संचालन हुँदैछ । प्रतियोगिताको व्यवस्थापकीय जिम्मेवारी नेपालगन्ज बाइसाइकलले गर्दैछ भने प्राविधिक सहकार्य जिल्ला साइक्लिङ संघ बाँकेले गरेको छ ।

नेपालको दोस्रो तथा ठूला पम्प ट्रयाक नेपालगन्ज पम्प ट्रयाक निर्माण भएको करिब दुई वर्षपछि पहिलोपटक औपचारिक प्रतियोगिता संचालन हुन लागेको कार्यक्रम संयोजक थापाले बताउनुभयो । युवा तथा बालबालिकालाई खेलमा प्रोत्साहन गर्ने उद्देश्यले प्रतियोगितामा चार वटा उमेरगत विधा तथा बाँकेका भेट्रान खेलाडीहरूका लागि एक अतिरिक्त विधा समावेश गरिएको छ । विजेता खेलाडीहरूलाई नगद पुरस्कार, मेडल तथा प्रमाणपत्र प्रदान गरिनेछ ।

प्रतियोगिता सम्पन्न गर्न द फार्म हाउस अफ म्युजिक, इभी नेपाल, ओम एडभरटाइजिङ्ग, लाइक माइन्ड, चौलानी बुक्स, नेपालगंज स्वास्थ्य पोलिक्लिनिक प्रालि तथा नेपालगन्ज साइक्लिङ क्लबले सहयोग गरेको आयोजकले जनाएको छ ।

प्रकाशित मिति: शुक्रबार, मंसिर १२, २०८२ २०:०१

प्रतिक्रिया दिनुहोस्