'नेपालगञ्ज पम्प ट्रयाक च्यालेन्ज' सम्पन्न, मास्टर क्याटेगरीतर्फ गगन प्रथम

खेलकुद

गृहपृष्ठ
खेलकुद
'नेपालगञ्ज पम्प ट्रयाक च्यालेन्ज' सम्पन्न, मास्टर क्याटेगरीतर्फ गगन प्रथम

'नेपालगञ्ज पम्प ट्रयाक च्यालेन्ज' सम्पन्न, मास्टर क्याटेगरीतर्फ गगन प्रथम

शनिबार, मंसिर १३, २०८२ बागेश्वरी पोस्ट

नेपालगञ्ज । नेपालगञ्जमा बाँके जिल्ला स्तरीय 'नेपालगञ्ज पम्प ट्रयाक च्यालेन्ज' सम्पन्न भएको छ । प्रतियोगिताको उद्घाटन नेपालगञ्ज उपमहानगरपालिका वडा नम्बर १ का वडा अध्यक्ष प्रमोद रिजालले गरेका थिए । कार्यक्रमको अध्यक्षता देउसी भैली समूहका संयोजक कविराम बुढाथोकीले गरेका थिए ।

प्रतियोगितामा मास्टर क्याटेगरीतर्फ गगन सिंह थापा प्रथम, दिपक मल्ल द्वितीय, जन्गु चोधरी तेस्रो र विशाल श्रेष्ठ चौथो भएका छन् । यसैगरी इलाइट क्याटेगरीमा बिरेन्द्र धोबी प्रथम हुँदा अनश खान दोस्रो, अनमोल गुप्ता तेस्रो र रोहित चौहान चौथो भए । जुनियर ए क्याटेगरीतर्फ अनिश चौधरी प्रथम, सुशंग धरकटवा दोस्रो, अन्शु गुप्ता तेस्रो तथा रणबिर थारु चौथो भएका छन् । यसैगरी जुनियर बी क्याटेगरीमा अभिजंग थापा प्रथम, आदित्य मल्ल दोस्रो, राजन शाही तेस्रो र सौरभ सोन्कर चौथो भएका छन् । जुनियर सी क्याटेगरीमा सुप्रभात केसी प्रथम, अर्जित बर्मा दोस्रो, कौश्तुब चलाउने तेस्रो तथा शाश्वत केसी चौथो भएका छन् ।

साइकलिष्टहरूले देउसी भैलो खेलेर संकलन गरेको रकमबाट प्रतियोगिता आयोजना गरिएको हो । नेपालगञ्ज-१ तेजनगरमा अवस्थित भेलोसोलुसन नेपालगञ्ज पम्प ट्रयाकमा प्रतियोगिता संचालन गरिएको थियो । प्रतियोगिताको व्यवस्थापकीय जिम्मेवारी नेपालगञ्ज बाइसाइकलले गरेको थियो भने प्राविधिक सहकार्य जिल्ला साइक्लिङ संघ बाँकेले गरेको थियो ।

नेपालको दोस्रो तथा ठूला पम्प ट्रयाक नेपालगञ्ज पम्प ट्रयाक निर्माण भएको करिब दुई वर्षपछि पहिलोपटक औपचारिक प्रतियोगिता संचालन हुन लागेको कार्यक्रम संयोजक गगन थापाले बताए । युवा तथा बालबालिकालाई खेलमा प्रोत्साहन गर्ने उद्देश्यले प्रतियोगितामा चार वटा उमेरगत विधा तथा बाँकेका भेट्रान खेलाडीहरूका लागि एक अतिरिक्त विधा समावेश गरिएको थियो । विजेता खेलाडीहरूलाई नगद पुरस्कार, मेडल तथा प्रमाणपत्र प्रदान गरिएको थियो ।

प्रतियोगिता सम्पन्न गर्न द फार्म हाउस अफ म्युजिक, इभी नेपाल, ओम एडभरटाइजिङ्ग, लाइक माइन्ड, चौलानी बुक्स, नेपालगंज स्वास्थ्य पोलिक्लिनिक प्रालि तथा नेपालगञ्ज साइक्लिङ क्लबले सहयोग गरेको आयोजकले जनाएको छ ।

प्रकाशित मिति: शनिबार, मंसिर १३, २०८२ २०:५७

प्रतिक्रिया दिनुहोस्