लुम्बिनी स्पोर्ट्स अवार्डको मिति परिवर्तन, नयाँ मिति छिट्टै सार्वजनिक गरिने

खेलकुद

गृहपृष्ठ
खेलकुद
लुम्बिनी स्पोर्ट्स अवार्डको मिति परिवर्तन, नयाँ मिति छिट्टै सार्वजनिक गरिने

लुम्बिनी स्पोर्ट्स अवार्डको मिति परिवर्तन, नयाँ मिति छिट्टै सार्वजनिक गरिने

बुधबार, मंसिर १७, २०८२ बागेश्वरी पोस्ट

नेपालगञ्ज । नेपालगञ्जमा हुन लागेको लुम्बिनी स्पोटर््स अवार्डको मिति परिवर्तन गरिएको छ । प्राविधिक कारणले आयोजना मिति परिवर्तन गरिएको आयोजक रंगशाला नेपाल मिडिया प्रालिले जनाएको छ । नेपालगञ्जमा खेलाडी र खेलकर्मीको सम्मानको लागि मंसिर १८ गते लुम्बिनी स्पोर्ट्स अवार्डको आयोजना गर्ने तयारी गरिएको थियो । अब छिट्टै नयाँ मिति केही समयपछि सार्वजनिक गरिने लुम्बिनी स्पोर्ट्स अवार्ड संयोजक चाहना शाहले बताइन् ।

आयोजना मिति धकेलिँदा अवार्डलाई थप भव्य बनाउन सहयोग गर्ने लुम्बिनी स्पोट्स अवार्डका प्रचारप्रसार संयोजक गजे थापाले बताए । खेल र खेलाडीको सहरले परिचित नेपालगञ्ज सहरमा आयोजनामा हुने स्पोटर््स अवार्डले प्रदेश स्तरका खेलाडी र खेलकर्मीको योगदानलाई सम्मान गर्ने संयोजक थापाले बताए । लुम्बिनी स्पोर्ट्स अवार्डको पहिलो संस्करणमा विभिन्न चार विधामा खेलाडी र खेलकर्मीलाई अवार्ड प्रदान गरिने आयोजकले जनाएको छ । अवार्डमा उत्कृष्ट पुरुष खेलाडी अवार्ड, उत्कृष्ट महिला खेलाडी अवार्ड, उत्कृष्ट प्रशिक्षक र विशेष अवार्ड प्रदान गरिने आयोजकले जनाएको छ ।

उत्कृष्ट टिम अवार्डको स्थानमा उत्कृष्ट प्रशिक्षक विधा समावेश गरिएको थापाले जानकारी गराए । अवार्डलाई अन्तराष्ट्रिय स्पोर्ट्स ब्रान्ड केल्मीले सह–प्रायोजन गरेको छ भने उत्कृष्ट पुरुष खेलाडी विधालाई रोयल समृद्धि बिजनेस गु्रप प्रालीले प्रयोजन गरेको छ ।

प्रकाशित मिति: बुधबार, मंसिर १७, २०८२ २०:०६

प्रतिक्रिया दिनुहोस्