मंगल प्रसाद माविमा खेलकुद सप्ताह सुरु

खेलकुद

गृहपृष्ठ
खेलकुद
मंगल प्रसाद माविमा खेलकुद सप्ताह सुरु

मंगल प्रसाद माविमा खेलकुद सप्ताह सुरु

आइतबार, मंसिर २१, २०८२ बागेश्वरी पोस्ट

नेपालगन्ज । नेपालगन्जस्थित मंगल प्रसाद माविमा आजदेखि खेलकुद सप्ताह सुरु भएको छ । विद्यालय प्रांगणमा सुरु भएको खेलकुद सप्ताहको नेपालगन्ज उपमहानगरपालिका खेलकुद महाशाखा प्रमुख गोर्ख बहादुर थापाले पानसमा दियो बालेर उद्घाटन गरेका थिए । तीन दिनसम्म मनाइने खेलकुद सप्ताहमा विभिन्न खेल इभेन्ट्सहरु संचालन गरिने प्रधानाध्यापक सन्ध्या गुप्ताले बताइन् । खेलकुदजन्य क्रियाकलापहरुमा विद्यार्थीहरुलाई प्रोत्साहित गर्न वार्षिक कार्यक्रम अन्तर्गत खेलकुद सप्ताह संचालन गरिएको गुप्ताले जानकारी दिइन् ।

May be an image of one or more people and text

विद्यालय व्यवस्थापन समितिका अध्यक्ष जयकेश सिंहको अध्यक्षतामा सम्पन्न उद्घाटन सत्रमा विद्यार्थीहरुले मार्च पास गर्दै सलामी अर्पण गरेका थिए । उद्घाटन कार्यक्रममा बोल्दै प्रमुख अतिथि थापाले शैक्षिक विकासमा मंगल प्रसाद माविले वर्षौंंदेखि गरिरहेको योगदानको सराहना गर्दै खेलकुदमा विद्यार्थीहरुलाई प्रेरित गर्न यस्ता प्रतियोगिताले उल्लेख्य भूमिका खेल्ने बताए । उनले पढाई संगसंगै अतिरिक्त क्रियाकलापमा पनि विद्यार्थीलाई अघि बढाउन आवश्यक रहेकोमा जोड दिए । विद्यालयका अध्यक्ष सिंहले मंगल प्रसाद माविलाई यस क्षेत्रकै उत्कृष्ट गन्तव्य बनाउन लागिपरेको बताउँदै सबैको सहयोग, समन्वय र हातोमालो आवश्यक रहेको बताए ।

May be an image of text May be an image of one or more people