दोस्रो सिजनको एनपिएलको उपाधि लुम्बिनी लायन्सले जित्यो

खेलकुद

गृहपृष्ठ
खेलकुद
दोस्रो सिजनको एनपिएलको उपाधि लुम्बिनी लायन्सले जित्यो

दोस्रो सिजनको एनपिएलको उपाधि लुम्बिनी लायन्सले जित्यो

शनिबार, मंसिर २७, २०८२ बागेश्वरी पोस्ट

काठमाडौँ । दोस्रो सिजनको नेपाल प्रिमियर लिगको उपाधि लुम्बिनी लायन्सले जितेको छ । शनिबार त्रिवि क्रिकेट मैदानमा भएको फाइनल खेलमा ८६ रनको लक्ष्य पछ्याएको लुम्बिनीले मात्र ९ ओभरमा ६ विकेटले खेल जित्यो ।

टस जितेर पहिला ब्याटिङ गरेको सुदूरपश्चिम पाँच बल बाँकी छँदै ८५ रनमा अलआउट भएको थियो । लुम्बिनीले पहिलो ओभरमै २७ रन बनाएको थियो, उक्त क्रममा दिनेश अधिकारीले विस्फोटक ब्याटिङ गरे, उनले पहिलो ओभरमै चार वटा छक्का प्रहार गरे ।

यस क्रममा लुम्बिनीले डार्सी सर्टको रूपमा पहिलो विकेट गुमायो । पाँचौँ ओभरको पहिलो बलमा सर्ट हेमन्त धामीले सर्टलाई बोल्ड आउट गरे, उनले १३ बलमा १४ रन बनाए । त्यस्तै दोस्रो विकेटको रूपमा अधिकारी आउट भए । पाँचौँ ओभरको तेस्रो बलमा आउट भएका अधिकारीले १३ बलमा ४२ रन जोडे । उनी पनि धामीकै बलमा क्याच आउट भए ।

कप्तान रोहित पौडेल १२ बलमा १६ रन बनाए र आउट भए । त्यस्तै निरोसन डिकवेलाले १२ बलमा ११ रन बनाए । सन्दीप जोराले भने आज रन बनाउन सकेनन् । तीन बल खेलका उनी शून्यमै आउट भए । दिलीप नाथ १ रनमा नट आउट भए ।

आज लुम्बिनीका बलरहरूले उत्कृष्ट प्रदर्शन गरे । कप्तान रोहित पौडेलले घातक बलिङ गर्दै ह्याट्रिकसहित ३ विकेट लिएर मात्र १२ रन खर्चे । त्यस्तै, शेर मल्लले ४ ओभरमा १८ रन दिएर ३ विकेट हात पारे भने रुबेन ट्रम्पलमानले मात्र २.१ ओभर बलिङ गर्दै ३ रन खर्चेर ३ विकेट लिए ।

प्रकाशित मिति: शनिबार, मंसिर २७, २०८२ १८:३०

प्रतिक्रिया दिनुहोस्