एनपिएल 'विजेता ट्रफी उत्सब यात्रा' बागेश्वरी मन्दिरबाट सुरु

खेलकुद

गृहपृष्ठ
खेलकुद
एनपिएल 'विजेता ट्रफी उत्सब यात्रा' बागेश्वरी मन्दिरबाट सुरु

एनपिएल 'विजेता ट्रफी उत्सब यात्रा' बागेश्वरी मन्दिरबाट सुरु

शनिबार, पुस ५, २०८२ बागेश्वरी पोस्ट

नेपालगन्ज । नेपाल प्रिमियर लिग (एनपिएल) को विजेता ट्रफी उत्सब यात्रा नेपालगन्ज बागेश्वरी मन्दिरबाट सुरु भएको छ । विजेता टिम लुम्बिनी लायन्सले बागेश्वरी मन्दिरमा आज विहान पूजाअर्चना गरी ट्रफी उत्सब यात्रा सुरु गरेको हो ।

त्यसक्रममा ट्रफीलाई मन्दिर परिक्रमा गराइएको थियो । तत्पश्चात नगर परिक्रमा गराई स्थानीय मंगल प्रसाद मावि प्रांगणमा ट्रफी राखेर बर्दियातर्फ लगिएको छ । ट्रफी टोलीलाई मंगल प्रसाद स्कुलमा नेपालगन्जका नगर प्रमुख प्रशान्त विष्टले स्वागत गर्दै क्रिकेटको विकासमा सक्दो सहयोग गर्ने बताए । बर्दियाबाट दाङ, रुकुम, रोल्पा, प्युठान, कपिलवस्तु, अर्घाखाँची, गुल्मी, पाल्पा, नवलपरासी हुँदै पुस १६ गते रुपन्देहीको भैरहवास्थित मायादेवी मन्दिरमा पुगेर विजय उत्सब यात्रा समापन हुनेछ ।

एनपिएल दोस्रो सिजनको उपाधि लुम्बिनी लायन्सले हात पारेको थियो ।

प्रकाशित मिति: शनिबार, पुस ५, २०८२ १३:३८

प्रतिक्रिया दिनुहोस्