आठौं राष्ट्रपति रनिङ शिल्ड तथा मेयर कपमा मावितर्फ एनएमए र आधारभूततर्फ मंगल प्रथम

खेलकुद

गृहपृष्ठ
खेलकुद
आठौं राष्ट्रपति रनिङ शिल्ड तथा मेयर कपमा मावितर्फ एनएमए र आधारभूततर्फ मंगल प्रथम

आठौं राष्ट्रपति रनिङ शिल्ड तथा मेयर कपमा मावितर्फ एनएमए र आधारभूततर्फ मंगल प्रथम

मंगलबार, पुस १५, २०८२ बागेश्वरी पोस्ट

नेपालगञ्ज । नेपालगञ्जमा सञ्चालित आठौं विद्यालय स्तरीय मेयर कप तथा राष्ट्रपति रनिङ शिल्ड प्रतियोगितामा नेपालगञ्ज मोडेल एकेडेमी (एनएमए) प्रथम भएको छ । माध्यमिक विद्यालयतर्फ प्रथम हुँदै एनएमएले ट्रफी र नगद पुरस्कार ५० हजार रुपैयाँ हात पारेको छ । यस्तै द्वितीय हुँदै धम्बोजी माध्यमिक विद्यालयले ट्रफी र नगद पुरस्कार २५ हजार रुपैयाँ प्राप्त गरेको छ भने तृतीय हुन सफल युनाइटेड एजुकेशनल एकेडेमीले ट्रफी र नगद पुरस्कार १२ हजार ५ सय रुपैयाँ हात पारेको छ । उत्कृष्ट खेलाडीलाई ट्रफी र प्रमाणपत्रसंगै नगद ५ हजार रुपैयाँले सम्मान गरिएको छ ।

May be an image of one or more people and text May be an image of text

छनौट प्रतियोगितामा आधारभूत तहतर्फ भने मङ्गल प्रसाद नमुना माध्यमिक विद्यालय प्रथम भयो । उसले ट्रफी र नगद पुरस्कार १० हजार रुपैयाँ हात पारेको छ । यस्तै युनाइटेड एजुकेशनल एकेडेमी द्वितीय हुँदै ट्रफी र नगद पुरस्कार ७ हजार ५ सय रुपैयाँ प्राप्त गर्न सफल भयो भने तृतीय भएको होलिल्याण्ड इंग्लिश सेकेण्डरी स्कूलले नगद पुरस्कार ५ हजार रुपैयाँ प्राप्त गरेको छ । उत्कृष्ट खेलाडीलाई ट्रफी र प्रमाणपत्रसहित नगद ५ हजार रुपैयाँले सम्मान गरिएको थियो ।

May be an image of one or more people, crowd and text
नेपालगञ्ज उपमहानगरपालिकाको आयोजना तथा प्याब्सन नेपालगञ्जको व्यवस्थापनमा प्रतियोगिता ११ गतेदेखि सञ्चालन भएको हो । समापन तथा पुरस्कार वितरण कार्यक्रमका सभापति नेपालगञ्जका उपमेयर कमरुद्दिन राईले विजेता विद्यार्थीहरूलाई बधाई दिए । व्यवस्थापक प्याब्सन नेपालगञ्जका अध्यक्ष मान बहादुर थापाले खेलमा प्रत्यक्ष र अप्रत्यक्ष रुपमा सहयोग गर्नेहरूलाई धन्यवाद ज्ञापन गरे ।

समापन कार्यक्रममा नेपालगञ्ज उपमहानगरपालिका शिक्षा महाशाखा प्रमुख गोर्ख बहादुर थापा, प्याब्सन बाँकेका अध्यक्ष विकास बज्राचार्य, नेपाल पत्रकार महासंघ बाँकेका अध्यक्ष नवीन गिरी लगायतले विजेतालाई शिल्ड, प्रमाणपत्र प्रदान गरेका थिए । कार्यक्रमको सञ्चालन मंगलकी प्रधानाध्यापक सन्ध्या गुप्ताले गरेकी थिइन् ।

यसैबीच माध्यमिक तह मार्च पासतर्फ मङ्गल प्रसाद नमुना माध्यमिक विद्यालय र जय बागेश्वरी माध्यमिक विद्यालय प्रथम, फुलटेक्रा माध्यमिक विद्यालय द्वितीय र सगरमाथा इङ्लिश बोर्डिङ स्कुल तृतीय भए । यस्तै आधारभूत तहतर्फ भने आधारभूत विद्यालय घरबारीटोल प्रथम, लिभिङ स्टोन एकेडेमी र पाटेर्श्वरी आधारभूत विद्यालय द्वितीय तथा आधारभूत विद्यालय जयसपुर तृतीय भएका छन् । महेन्द्र माध्यमिक विद्यालय र डकार इंग्लिश बोर्डिङ स्कूलले अनुशासन शिल्ड जितेको प्याब्सन नगर सचिव विज्ञान शाहले जानकारी दिए ।

प्रकाशित मिति: मंगलबार, पुस १५, २०८२ २०:३४

प्रतिक्रिया दिनुहोस्