टी-२० विश्वकप आजदेखि: पहिलो खेल पाकिस्तानविरुद्ध नेदरल्यान्ड्स

खेलकुद

गृहपृष्ठ
खेलकुद
टी-२० विश्वकप आजदेखि: पहिलो खेल पाकिस्तानविरुद्ध नेदरल्यान्ड्स

टी-२० विश्वकप आजदेखि: पहिलो खेल पाकिस्तानविरुद्ध नेदरल्यान्ड्स

शनिबार, माघ २४, २०८२ बागेश्वरी पोस्ट

काठमाडौँ । आजदेखि टी–२० विश्वकप क्रिकेट प्रतियोगिता शुरू हुँदैछ । विश्वकप भारत र श्रीलंकाको संयुक्त आयोजनामा हुन लागेको हो ।

विश्वकपको आजको उद्घाटन खेल पाकिस्तान र नेदरल्याण्ड्सबीच हुँदैछ । खेल आज बिहान ११ः१५ बजेदेखि श्रीलंकाको कोलम्बोमा हुनेछ । यो समूह 'ए' को खेल हुनेछ ।

दोस्रो खेलमा आजै दिउँसो ३ः१५ बजे स्कटल्याण्ड र वेष्ट इन्डिजबीच हुनेछ । यो खेल भारतको इडेन गार्डेनमा हुनेछ । यो समूह सीको खेल हुनेछ ।

त्यस्तै तेस्रो खेलमा भारत र अमेरिका भिड्ने छन् । यो खेलमा भारतको वाङ्खेडे मैदानमा बेलुकी ७ः१५ बजेदेखि शुरू हुनेछ ।

नेपालको भिडन्त भने भोलि हुनेछ । नेपालले पहिलो खेल इङ्गल्याण्डसँग खेल्नेछ । नेपाल समूह सीमा रहेको छ । नेपालको समूहमा इङ्गल्याण्डसँगै इटाली, स्कटल्याण्ड र वेष्ट इन्डिज रहेका छन् ।

समूह एमा भारत, पाकिस्तान, नेदरल्याण्ड्स, अमेरिका र नामिबिया रहेका छन् । समूह बीमा अष्ट्रेलिया आयरल्याण्ड, ओमान, श्रीलंका र जिम्बाब्वे रहेका छन् । समूह डीमा अफगानिस्तान, क्यानाडा, न्यूजिल्याण्ड, दक्षिण अफ्रिका र यूएई रहेका छन् ।

प्रकाशित मिति: शनिबार, माघ २४, २०८२ ०९:५२

प्रतिक्रिया दिनुहोस्